🔥 TRENDING અમરેલી જિલ્લાના સાવરકુંડલા હાઈવે પર એસ... Headlines Today PM Modi to Inaugurate Nitish Setu Brid... Body of Missing Jalandhar Youth Found... New SGPC General Secretary Gurpreet Si... Harjinder Dhami Elected President of S...
20 Nov 2026•
ગુજરાતી मराठी ਪੰਜਾਬੀ বাংলা
Politics

ବିଧାନସଭାରେ ପ୍ରଶ୍ନ କଲେ ବିରୋଧୀ । ଫ୍ରି ବିଦୁ୍ୟତ ନେଇ ବଡ ସୂଚନା ଦେଲେ ମନ୍ତ୍ରୀ ।

✍️ Reporter: Deepak Mahapatra 🗓 20 Nov 2026, 03:01 PM 👁 17
Share: 💬 WhatsApp 📘 Facebook 𝕏 Post
ଭୁବନେଶ୍ୱର: ଆଉ ମିଳିବନି ମାଗଣା ବିଜୁଳି । ଫେଲ ହେଲା ରାଜ୍ୟ ସରକାରଙ୍କ ୩୦୦ୟୁନିଟ ମାଗଣା ବିଦୁ୍ୟତ ପ୍ରତିଶୃତି। ଏଭଳି କିଛି ସଂକେତ ଦେଇସାରିଛନ୍ତି ସରକାର । ବୁଧବାର ଏହା ଉପରେ ପ୍ରତିକ୍ରିୟା ରଖିଛନ୍ତି ଉପମୁଖ୍ୟମନ୍ତ୍ରୀ କେ.ଭି ସିଂ ଦେଓ ।

ସେ କହିଛନ୍ତି ଯେ, ସୁଇଚ ଅଫ ନ କଲେ ବିଲ ଅଧିକ ଆସିବ । ଶକ୍ତି ସଂରକ୍ଷଣ ଶିଖନ୍ତୁ, ମାଗଣାରେ ବିଜୁଳି ପାଇବା ଆଶା ରଖନାହିଁ । କୌଣସି ସେବାକୁ ମାଗଣାରେ ଆଶା ରଖନ୍ତୁ ନାହିଁ । ଉପଭୋକ୍ତାଙ୍କୁ ସଚେତନତା ପାଇଁ ଭିଡିଓ ଏବଂ ମେସେଜ ଦିଆଯାଉଛି । ଅନେକ ସମୟରେ ସୁଇଚ ଅଫ କେହି କରୁନାହାଁନ୍ତି । ଶୁଣନ୍ତୁ ଗୃହରେ କଣ କହିଛନ୍ତି କେଭି ।

ସେ ଆହୁରି ମଧ୍ୟ କହିଛନ୍ତି ଯେ , ଖର୍ଚ୍ଚ ହୋଇଥିବା ବିଦ୍ୟୁତ୍ ପାଇଁ ଦେୟ ଦେବାକୁ ପଡିବ । ସେବାଗୁଡିକୁ ମାଗଣା ଯୋଗାଇ ଦିଆଯାଇପାରିବ ନାହିଁ । ଶକ୍ତି ସଂରକ୍ଷଣ ଶିଖନ୍ତୁ, ମାଗଣା ବିଦ୍ୟୁତ୍ ଆଶା କରନ୍ତୁ ନାହିଁ ।” କିନ୍ତୁ ପ୍ରଧାନମନ୍ତ୍ରୀ ସୂର୍ୟ୍ୟ ଘର ଯୋଜନାରେ ଆବେଦନ କଲେ ୩୦୦ ୟୁନିଟ ବିଦ୍ୟୁତ ମାଗଣା ମିଳିବ । ପିଏମ ସୂର୍ୟ୍ୟ ଘର ମାଗଣା ବଦ୍ୟୁତ ଯୋଜନାର ନିର୍ଦ୍ଧାରିତ ଲକ୍ଷ୍ୟ ଅନୁଯାୟୀ ସମସ୍ତ ଅଧିକାରୀଙ୍କୁ ନିଜ ନିଜ ଅଞ୍ଚଳରେ ପଞ୍ଜୀକରଣ କରିବା ପରେ ସୋଲାର ରୁଫଟପ ସ୍ଥାପନ କରିବାକୁ ପଡ଼ିବ ।

ଏହି ଯୋଜନା ଅନ୍ତର୍ଗତ ସୋଲାର ରୁଫଟପ ପ୍ଲାଣ୍ଟ ସ୍ଥାପନ ପାଇଁ ୪୫ ହଜାରରୁ ୧.୮ ଲକ୍ଷ ଟଙ୍କା ପର୍ୟ୍ୟନ୍ତ ସବସିଡି ପ୍ରଦାନ କରାଯିବ । ସୋଲାର ପ୍ୟାନେଲ ସ୍ଥାପନ ପାଇଁ ଆପଣଙ୍କୁ ୧.୮ ଲକ୍ଷ ଟଙ୍କା ସରକାର ଦେବେ ବୋଲି କହିଛନ୍ତି ମନ୍ତ୍ରୀ । ଏଠାରେ କହିରଖୁଛୁ ଯେ, ବିଧାନସଭାରେ ଉଠିଥିଲା ମାଗଣା ବିଜୁଳି ପ୍ରସଙ୍ଗ । ଏନେଇ ରାଜ୍ୟ ସରକାରଙ୍କୁ ପ୍ରଶ୍ନ କରିଥିଲେ କଂଗ୍ରେସ ବିଧାୟକ ଅଶୋକ ଦାସ . ଯାହାର ଉତ୍ତର ରଖିଛନ୍ତି ଉପମୁଖ୍ୟମନ୍ତ୍ରୀ ତଥା ଶକ୍ତି ମନ୍ତ୍ରୀ କନବର୍ଦ୍ଧନ ସିଂହଦେଓ ।
📲Get App