🔥 TRENDING Goan Singer’s Raga Joins NASA’s Voyage... FC Goa shifts second half of ISL 2026-... Nagaland’s Health Expenditure Falls 29... Armed gang robs Sancho Gold & Diamond... Madhya Pradesh Cabinet Abolishes Two-C... 11th‑grade student drowns in Banas Riv...
18 Nov 2026•
ગુજરાતી मराठी ਪੰਜਾਬੀ বাংলা
Weather

ଦିଗ ବଦଳାଉଛି ବାତ୍ୟା, ଓଡ଼ିଶା ଦେଇ ଅତିକ୍ରମ କରିବା ସମ୍ଭାବନା

✍️ Reporter: Deepak Mahapatra 🗓 18 Nov 2026, 02:41 PM 👁 27
Share: 💬 WhatsApp 📘 Facebook 𝕏 Post
ଭୁବନେଶ୍ୱର: ବାତ୍ୟା ଅର୍ଣ୍ଣବ ଭଳି ଅକ୍ୱାନ ପ୍ରଭାବ ମଧ୍ୟ ଓଡ଼ିଶା ଉପରେ ପଡ଼ିବାରେ ବେଶ ସମ୍ଭାବନା ସୃଷ୍ଟି ହୋଇଛି । ଅତି ମନ୍ଥର ଗତିରେ ଆସୁଥିବା ଅକ୍ୱାନ ନିଜର ଗତି ପଥ ବଦଳାଇଛି । ଭାରତୀୟ ପାଣିପାଗ ବିଭାଗ ଶେଷ ସୂଚନା ଅନୁସାରେ ଅକ୍ୱାନର ବାହ୍ୟା ବଳୟ ଦକ୍ଷିଣ ଓଡ଼ିଶାକୁ ସ୍ପର୍ଶ କରିପାରେ ବୋଲି ବେଶ ସମ୍ଭାବନା ରହିଛି ।

ଆଇଏମଡି ସୂଚନା ଅନୁସାରେ, ଗତ ୬ ଘଣ୍ଟାରେ ଅକ୍ୱାନ ଘଣ୍ଟାପ୍ରତି ଗତି ମାତ୍ର ୩ କିମି ବେଗରେ ଆଗକୁ ବଢ଼ୁଛି । ବାତ୍ୟାର କେନ୍ଦ୍ର ସ୍ଥଳ ବିଶାଖାପାଟଣାଠୁ ୬୨୦ କିମି ଓ ଗୋପାଳପୁରଠୁ ୭୫୦ କିମି ଦୂରରେ ରହିଛି । ଆଜି ଭୀଷଣ ବାତ୍ୟାରେ ପରିଣତ ହେବାର ସମ୍ଭାବନା ରହିଛି । ୧୯ ତାରିଖ ସନ୍ଧ୍ୟା ସୁଦ୍ଧା ଅତି ଭୀଷଣ ବାତ୍ୟାରେ ପରିଣତ ହେବାର ପୂର୍ବାନୁମାନ କରିଛି ପାଣିପାଗ ବିଭାଗ ।

ପୂର୍ବରୁ ବାତ୍ୟାର ଅବପାତ ରୂପ ଓଡ଼ିଶା ଦେଇ ଅତିକ୍ରମ କରିବାର ଅନୁମାନ କରାଯାଉଥିଲା । ମାତ୍ର ସଦ୍ୟତମ ଟ୍ରାକ ଅନୁସାରେ ବାତ୍ୟା ଆନ୍ଧ୍ର ପ୍ରଦେଶରେ ସ୍ଥଳ ଭାଗ ଛୁଇଁବା ପରେ ଦକ୍ଷିଣ ଓଡ଼ିଶାର ମାଲକାନଗିରି ଜିଲ୍ଲା ଦେଇ ଆଗକୁ ବଢ଼ିବ । ଅବପାତ ନୁହେଁ ବରଂ ବାତ୍ୟା ଓଡ଼ିଶା ଦେଇ ଅତିକ୍ରମ କରିବ । ବାତ୍ୟା ବଳୟ ମଧ୍ୟରେ କୋରାପୁଟ, ନବରଙ୍ଗପୁର ଓ ନୂଆପଡ଼ା ଜିଲ୍ଲା ରହିଛି ।

ଏହାରେ ପ୍ରଭାବରେ ୨୨ ତାରିଖ ଯାଏଁ ଓଡ଼ିଶାରେ ୱାର୍ଣ୍ଣିଂ ଜାରି କରାଯାଇଛି । ୧୯ ରୁ ୨୨ ତାରିଖ ଯାଏଁ ପ୍ରବଳରୁ ଅତିପ୍ରବଳ ବର୍ଷା ନେଇ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି । ୧୯ ଏବଂ ୨୦ ତାରିଖ ପାଇଁ ଉପକୂଳବର୍ତ୍ତୀ ଜିଲ୍ଲାଗୁଡ଼ିକ ଯଥା- କେନ୍ଦ୍ରାପଡ଼ା, ଜଗତସିଂହପୁର, ଗଜପତି, ଗଞ୍ଜାମ ଓ ପୁରୀକୁ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି । ସେହିପରି ୨୦ ଓ ୨୧ ତାରିଖ ପାଇଁ ରାୟଗଡ଼ା, କୋରାପୁଟ, ମାଲକାନଗିରି, ଗଜପତି ଓ ଗଞ୍ଜାମ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି ଏବଂ ୨୧ ଓ ୨୨ ତାରିଖ ପାଇଁ ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼କୁ, ନୂଆପଡ଼ା, ନବରଙ୍ଗପୁର ଓ କୋରାପୁଟକୁ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି ।
📲Get App