🔥 TRENDING Punjab CM Announces Million‑rupee Quiz... Police Officer Accused of Assaulting E... PM Modi to address rally in Vaishali o... पुलिस लाइन उरई में अपर पुलिस अधीक्षक न... Bhojpur District to Hold One-Day Teach... Four dead as bus plunges into 300‑foot...
17 Nov 2026•
ગુજરાતી मराठी ਪੰਜਾਬੀ বাংলা
Travel

ବଢ଼ୁଛି ବିମାନ ଯାତ୍ରୀଙ୍କ ସଂଖ୍ୟା, ଆହୁରି ୧୦୦୦ ବିମାନ କିଣିବ ଭାରତ

✍️ Reporter: Deepak Mahapatra 🗓 17 Nov 2026, 12:31 PM 👁 27
Share: 💬 WhatsApp 📘 Facebook 𝕏 Post
ଭାରତରେ ବଢ଼ୁଥିବା ବିମାନ ଚାହିଦା ଅନୁସାରେ ବିମାନ ସଂଖ୍ୟାରେ ପ୍ରଚୁର ଅଭାବ ରହିଛି । ଯେଉଁଥିପାଇଁ ଭାରତ ପୁଣି ୧୦୦୦ ବିମାନ କିଣିବାକୁ ଯୋଜନା କରିଛି । କେନ୍ଦ୍ର ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରୀ ପୀୟୁଷ ଗୋଏଲ ଏହି ସୂଚନା ଦେଇଛନ୍ତି ।

କେନ୍ଦ୍ରମନ୍ତ୍ରୀ ସୋମବାର ମିସ୍ର ରାଜଧାନୀ କାହିରାରେ ଏକ କାର‌୍ୟ୍ୟକ୍ରମରେ କହିଛନ୍ତି ଯେ ଭାରତକୁ ୨୦୦୦ରୁ ଅଧିକ ବିମାନର ଆବଶ୍ୟକତା ରହିଛି । ତେଣୁ ପୂର୍ବରୁ ଭାରତ ୧୨୦୦ ବିମାନ କିଣିବାକୁ ଅର୍ଡର୍ ଦେଇଛି ଏବଂ ଆହୁରି ୧୦୦୦ ବିମାନ କିଣିବାକୁ ଯୋଜନା କରାଯାଉଛି । ଏଥିପାଇଁ ବିମାନ ନିର୍ମାଣ କମ୍ପାନୀ ସହିତ ଆଲୋଚନା ଜାରି ରହିଥିବାବେଳେ ଖୁବଶୀଘ୍ର ନିଷ୍ପତି ହେବା ନେଇ କେନ୍ଦ୍ର ମନ୍ତ୍ରୀ ଗୋଏଲ କହିଛନ୍ତି । ବିମାନ ମିଳିବା ପରେ ଭାରତ ଏବଂ ମିସର ମଧ୍ୟରେ ଯୋଗା ଯୋଗ ବୃଦ୍ଧି ଘଟିବ । ବର୍ତ୍ତମାନ ଭାରତ ଓ ମିସ୍ର ମଧ୍ୟରେ ଇଜିପ୍ଟ ଯୋଗାଯୋଗ ସ୍ଥାପନ କରୁଛି । ଅଧିକ ସଂଖ୍ୟାରେ ବିମାନ ଉପଲବ୍ଧ ହେଲେ ଦୁଇ ଦେଶ ମଧ୍ୟରେ ଯୋଗାଯୋଗ ସୁଗମ ହେବ ବୋଲି କେନ୍ଦ୍ର ମନ୍ତ୍ରୀ ଆଶାବ୍ୟକ୍ତ କରିଛନ୍ତି ।

ଏୟାରବସ କମ୍ପାନୀରୁ ଆକଳନ ଅନୁସାରେ, ୨୦୩୫ ସୁଦ୍ଧା ଭାରତକୁ ୨୨୫୦ଟି ବିମାନର ଆବଶ୍ୟକତା ରହିଛି । ଆଗାମୀ ୧୦ ବର୍ଷ ମଧ୍ୟରେ ଭାରତରେ ବିମାନ ଯାତ୍ରୀ ସଂଖ୍ୟା ବର୍ଷକୁ ୮.୯ ପ୍ରତିଶତ ହାରରେ ବୃଦ୍ଧି ପାଇବ । ତେଣୁ ଏଥିପାଇଁ ସରକାରଙ୍କୁ ପୂର୍ବ ପ୍ରସ୍ତୁତି କରିବାକୁ ପଡ଼ିବ ।

ଏଠାରେ ଉଲ୍ଲେଖ ଯୋଗ୍ୟ, ଗତ ମାର୍ଚ୍ଚ ମାସରେ ବେସାମରିକ ବିମାନ ଚଳାଚଳ ମନ୍ତ୍ରୀ କେ.ରାମମୋହନ ନାଇଡୁ କହିଥିଲେ ଯେ ଭାରତର ୧୭୦୦ ବିମାନ ଅର୍ଡର୍ ଏବେବି ବିଳମ୍ବିତ ହୋଇ ରହିଛି । ଯେଉଁ ଅର୍ଡର୍ ଆସିବାରେ ପ୍ରାୟ ୧୫ ବର୍ଷ ସମୟ ଲାଗିପାରେ ।
📲Get App