અમરેલી: લાઠી રોડ પર ટ્રકમાં ભીષણ આગ, ફાયર વિભાગે કાબૂ મેળવ્યો

અમરેલી શહેરના લાઠી રોડ પર ગઈકાલે મોડી રાત્રે એક ટ્રકમાં અચાનક ભીષણ આગ ભભૂકી ઉઠતા અફરાતફરી મચી ગઈ હતી. પ્રાપ્ત વિગતો મુજબ, લાઠી રોડ પરથી પસાર થઈ રહેલા એક ટ્રકના કેબિનમાં અચાનક આગ લાગી હતી. જોતજોતામાં આગે વિકરાળ સ્વરૂપ ધારણ કરી લીધું હતું અને આખો ટ્રક આગની જ્વાળાઓમાં લપેટાઈ ગયો હતો. દૂર દૂર સુધી આગની જ્વાળાઓ અને કાળો ધુમાડો જોવા મળ્યો હતો.

ઘટનાની જાણ થતા જ અમરેલી ફાયર વિભાગની ટીમ તાત્કાલિક ઘટનાસ્થળે દોડી આવી હતી. ફાયરમેનોએ પાણીનો મારો ચલાવીને ભારે જહેમત બાદ આગ પર કાબૂ મેળવ્યો હતો. સદનસીબે આ ઘટનામાં કોઈ જાનહાનિ કે ઈજાના સમાચાર સામે આવ્યા નથી.

ટ્રકમાં આગ કયા કારણોસર લાગી તે હજુ જાણવા મળ્યું નથી. આ ઘટનાને કારણે લાઠી રોડ પર થોડા સમય માટે ટ્રાફિક પણ પ્રભાવિત થયો હતો.