સાવરકુંડલામાં વેપારી પર લોખંડના વજનિયાથી હુમલો, જાનથી મારવાની ધમકી

સાવરકુંડલાના વેપારીને લોખંડના વજનિયાથી મૂંઢ ઇજા પહોંચાડી અને છરીથી ડાબા હાથની અંગૂઠા અને આંગળી વચ્ચે લોહી કાઢી ઇજા પહોંચાડી, અને જાનથી મારવાની ધમકી આપવામાં આવી.

54 વર્ષીય આસિફભાઈ હબીબભાઈ હિંગોરાએ સુફિયાનભાઈ આરીફભાઈ મામદાણી સામે ફરિયાદ નોંધાવી. ફરિયાદ મુજબ, આસિફભાઈ હિંગોરાએ આરોપીના પિતા સાથે મળીને સમાજનો જમણવાર રાખ્યો હતો, જેમાં આરોપી સ્વૈચ્છિક રીતે મદદ કરવા માંગતો હતો અને પિતાની સાથે વાતચીત કરી રહ્યો હતો.

આ સમયે આરોપી હાજર હતો અને આ બાબત સારી ન લાગતાં તેણે ગાળો આપી ઢીકાપાટુ માર્યા, લોખંડના વજનિયાથી મૂંઢ ઇજા પહોંચાડી અને છરીથી હુમલો કરી ડાબા હાથની અંગૂઠા અને આંગળી વચ્ચે લોહી કાઢી ઇજા પહોંચાડી.

સાવરકુંડલા ટાઉન પોલીસ સ્ટેશનના હેડ કોન્સ્ટેબલ એન.એન. ખસતીયા વધુ તપાસ ચલાવી રહ્યા છે.