બાબરા: દવા લેવા ગઈ ચમારડી ગામની ૨૧ વર્ષીય યુવતી લાપતા

બાબરા તાલુકાના ચમારડી ગામમાં એક ૨૧ વર્ષીય યુવતી લાપતા થયાની ઘટના સામે આવી છે. ગભાભાઈ બાઘાભાઈ ગમારા (ઉંમર ૫૫ વર્ષ) દ્વારા જાહેર કરવામાં આવ્યું છે કે તેમની પુત્રી મેના (ઉંમર ૨૧ વર્ષ) ઘરેથી બાબરા દવા લેવા જવા માટે નીકળી હતી, પરંતુ તે સમય વીત્યા બાદ પરત ફરી નથી.

પરિવાર દ્વારા શોધખોળ કરવામાં આવી હોવા છતાં યુવતીનો કોઈ પતો મળ્યો નથી, જેના કારણે પરિવાર ચિંતાતુર છે.

આ ઘટના અંગે બાબરા પોલીસ સ્ટેશનને જાણ કરવામાં આવી છે. હાલમાં એએસઆઈ વાય આર ડેર દ્વારા આ મામલે વધુ તપાસ હાથ ધરવામાં આવી છે.