దండారి ఉత్సవాల్లో పాల్గొన్న ఎమ్మెల్యే అనిల్ జాదవ్

సిరికొండ: మండలంలోని రాయిగూడ గ్రామంలో బుధవారం నిర్వహించిన ఆదివాసీ దండారి ఉత్సవాల్లో బోథ్ ఎమ్మెల్యే అనిల్ జాదవ్ పాల్గొన్నారు. ఈ సందర్భంగా ఆయన మాట్లాడుతూ.. కేసీఆర్ హయాంలో ప్రతి దండారి ఉత్సవానికి రూ.10 వేల ఆర్థిక సాయం అందించేవారని తెలిపారు. ఆదివాసుల సంస్కృతి పరిరక్షణకు జోడేఘాట్‌లో రూ.12 కోట్లతో మ్యూజియం నిర్మించారని పేర్కొన్నారు. గ్రామస్తుల విజ్ఞప్తి మేరకు దండారి షెడ్డు నిర్మాణానికి కృషి చేస్తానని, ఉత్సవాల నిర్వహణకు రూ.11 వేల సాయం అందిస్తానని హామీ ఇచ్చారు. కార్యక్రమంలో బీఆర్ఎస్ నాయకులు, కార్యకర్తలు పాల్గొన్నారు.