સાબરકાંઠાના અંતરિયાળ વિસ્તારો માટે ધન્વંતરી આરોગ્ય રથ અને મોબાઈલ હેલ્થ યુનિટની ટીમોને સઘન તાલીમ..

સાબરકાંઠાના-:
અંતરિયાળ આદિવાસી અને છેવાડાના વિસ્તારોમાં વસતા નાગરિકોને તેમના ઘરઆંગણે ગુણવત્તાયુક્ત અને સુલભ આરોગ્ય સેવાઓ મળી રહે તેવા સરકારશ્રીના અભિગમને વધુ અસરકારક રીતે સાકાર કરવા આરોગ્ય વિભાગ દ્વારા સતત પ્રયત્નો કરવામાં આવી રહ્યા છે..

આ દિશામાં ધન્વંતરી આરોગ્ય રથ, મોબાઈલ હેલ્થ યુનિટ અને બાઈક મોબાઈલ હેલ્થ યુનિટ જેવી આરોગ્યલક્ષી સેવાઓ મહત્વપૂર્ણ ભૂમિકા ભજવી રહી છે.આરોગ્ય સેવાઓની પહોંચ વધુ સુદૃઢ બનાવવા માટે આ વિભાગોની ટીમોને સઘન તાલીમ અપાઈ છે..

આ તાલીમનો ઉદ્દેશ્ય છે કે અંતરિયાળ વિસ્તારોમાં રહેતા લોકો સુલભ અને ગુણવત્તાયુક્ત સેવાઓથી લાભ મેળવી શકે, જેથી સરકારના આરોગ્ય કાર્યક્રમો વધુ અસરકારક બને.