અમદાવાદના નિકોલમાં બેફામ ફોર્ચ્યુનર ચાલકે અકસ્માત સર્જ્યો, એકનું મોત અને બે ઇજાગ્રસ્ત

અમદાવાદના નિકોલ વિસ્તારમાં રવિવારે રાત્રે એક ચોંકાવનારો અકસ્માત સર્જાયો છે. દેવસ્ય સ્કૂલ પાસે ફૂટપાથ પર ઊંઘી રહેલા ત્રણ લોકોને પૂરઝડપે આવતી ફોર્ચ્યુનર કારે અડફેટે લીધા છે. આ ઘટનામાં એક વ્યક્તિનું સ્થળે જ મોત થયું છે, જ્યારે બે લોકો ગંભીર રીતે ઇજાગ્રસ્ત થયા છે.

પોલીસે આ ઘટનામાં ફોર્ચ્યુનર કાર ચાલકની ધરપકડ કરી લીધી છે. પ્રાથમિક તપાસમાં સૂચના મળી છે કે કાર ચાલક નશાની અસર હેઠળ હોવાની શક્યતા છે. ઘટના સમયે કાર ચાલકે પૂરઝડપે વાહન ચલાવતો હોવાનું જાણવા મળ્યું છે, જેના કારણે આ ભયાનક અકસ્માત સર્જાયો છે.

ઘટનાની જાણ થતાં પોલીસ ઘટનાસ્થળે પહોંચી અને ઇજાગ્રસ્તોને તાત્કાલિક સારવાર માટે નજીકની હોસ્પિટલમાં ખસેડ્યા છે. ઘટનાની તપાસ ચાલી રહી છે.