મોરારિબાપુએ દિવાળી અને નૂતન વર્ષમાં દેશ-વિદેશના રામભક્તોને શુભેચ્છા પાઠવી

મોરારિબાપુએ દિવાળી અને નૂતન વર્ષના પાવન અવસર પર દેશ-વિદેશમાં વસતા તમામ રામભક્તો, શ્રોતાઓ અને નાગરિકોને અંતઃકરણપૂર્વક શુભેચ્છાઓ પાઠવી.

તલગાજરડા / મહુવામા આ પ્રસંગે પ્રસિદ્ધ રામકથાકાર પૂજ્ય મોરારિબાપુએ પોતાના સંદેશમાં દીપોત્સવને માત્ર બહાર દીવા પ્રગટાવવાનો નહીં, પરંતુ અંતરમાં સદ્વિચારોનો પ્રકાશ ફેલાવવાનો અવસર તરીકે દર્શાવ્યો.

તેમણે સત્ય, પ્રેમ અને કરુણાના માર્ગે ચાલીને સૌ સાથે હળીમળીને પર્વની ઉજવણી કરવાની પ્રેરણા આપી અને નવા વર્ષમાં સૌને સુખ, શાંતિ, સમૃદ્ધિ અને આરોગ્ય રહે તેવી પ્રાર્થના કરી.

મોરારિબાપુએ અજ્ઞાન અને નકારાત્મકતાને દૂર કરી સકારાત્મકતા તરફ આગળ વધવાની નવી સંકલ્પો રજૂ કરી, અને સમાજમાં સદભાવ ફેલાવવાની અપીલ કરી.