આદિવાસી ન્યાય યાત્રા પાંચમા દિવસે ઉમરપાડા તાલુકામાં પહોંચી

આમ આદમી પાર્ટીના ડેડિયાપાડા તાલુકાના ધારાસભ્ય ચૈતર વસાવાના સમર્થનમાં શરૂ થયેલી ‘આદિવાસી ન્યાય યાત્રા’ પાંચમા દિવસે ઉમરપાડા તાલુકામાં પહોંચી.

અંબાજીથી ઉમરગામ સુધી યોજાઈ રહેલી યાત્રા દરમ્યાન ઉમરપાડા ખાતે સ્થાનિક નાગરિકો અને પાર્ટી કાર્યકરોએ યાત્રિકોનું ઉષ્માભર્યું સ્વાગત કર્યું.

યાત્રાના ભાગરૂપે તાલુકાના ફોકડી ગામમાં જાહેર સભાનું આયોજન કરવામાં આવ્યું, જ્યાં યાત્રિકો અને હાજર રહેનારાઓએ યાત્રાના ઉદ્દેશ્યો અને આદિવાસી સમુદાય માટેની માંગો પર ચર્ચા કરી.