જામનગરમાં જમીન વિવાદમાં મારામારીની ફરિયાદ, ત્રાસથી કંટાળી વ્યક્તિએ ફિનાઇલ પીધો

જામનગરના નંદનવન સોસાયટી વિસ્તારમાં 600 ચોરસ ફૂટ જમીનના બદલામાં બે રૂમ આપવાના મૌખિક કરારના વિવાદમાં રિક્ષાચાલક યોગેશભાઈ અમરશીભાઈ મકવાણા (ઉં.વ. 44)એ કમલભાઈ મનોજભાઈ મકવાણા અને તેમનાં માતા કાંતાબેન સામે મરચાની ચટણી ફેંકી મારામારી કરવા, ગાળો ભાંડવા અને જાનથી મારી નાખવાની ધમકી આપ્યાની ફરિયાદ નોંધાવી છે. ફરિયાદ મુજબ, છ વર્ષ પહેલાં જમીન આપ્યા છતાં બે રૂમ નહીં મળતાં યોગેશભાઈ ગત 25 ઓક્ટોબરે વાત કરવા ગયા હતા, ત્યારે તેમની સાથે ઝઘડો થયો હતો. ત્યારબાદ કથિત ત્રાસથી કંટાળીને તેમણે કમલભાઈના ઘર પાસે ફિનાઇલ પી લેતાં સારવાર માટે જી.જી. હોસ્પિટલમાં ખસેડાયા હતા.

આ મામલે પોલીસે ફરિયાદના આધારે તપાસ હાથ ધરી છે.