ખાંભા તાલુકાના મોટા સરાકડીયા ગામમાં વાડીમાં સૂતા ખેડૂત પર દીપડાનો હુમલો, માથામાં ગંભીર ઈજા

મોટા સરાકડીયા ગામના ખેડૂત બાળાભાઈ ભુવા રાત્રિના સમયે પોતાની વાડીમાં સૂતા હતા, ત્યારે અંધારી રાતમાં વનવિસ્તારમાંથી ચડેલા દીપડાએ અચાનક હુમલો કરીને તેમના માથામાં ગંભીર ઈજા કરી. ઘાયલ ખેડૂતને પરિવારજનો દ્વારા તાત્કાલિક હોસ્પિટલમાં ખસેડવામાં આવ્યો.

ઘટનાની જાણ થતા ખાંભા વનવિભાગના સ્ટાફ તાત્કાલિક સ્થળે પહોંચ્યા અને ઘાયલ વ્યક્તિને તબીબી સહાય પૂરી પાડી. વનવિભાગે દીપડાને શોધવા માટે વિસ્તૃત તપાસ અને રાત્રિ દરમિયાન પેટ્રોલિંગ શરૂ કર્યું છે.

દીપડાને પકડવા માટે વનવિસ્તારની આસપાસ પાંજરા ગોઠવવાની કામગીરી પણ હાથ ધરવામાં આવી છે. વનવિભાગે ખેડૂતોને રાત્રે એકલા વાડીમાં ન સૂવા અને સાવચેતી રાખવા માટે અપીલ કરી છે.