జిల్లా కలెక్టర్ రాహుల్ శర్మ ప్రజావాణి అర్జీలు పరిష్కారానికి ఆదేశాలు

జిల్లా కలెక్టర్ రాహుల్ శర్మ సోమవారం ఐడీఓసీ కార్యాలయంలో నిర్వహించిన ప్రజావాణి కార్యక్రమంలో ప్రజల నుండి వచ్చిన 70 దరఖాస్తులను స్వీకరించి, వాటి తక్షణ పరిష్కారానికి చర్యలు తీసుకోవాలని అన్ని శాఖల అధికారులకు ఆదేశించారు.

వారు అర్జీలపై ఎలాంటి జాప్యం లేకుండా వారంలోగా పరిష్కారం చేయాలని స్పష్టం చేశారు. ప్రతి అర్జీని సంబంధిత శాఖలకు వెంటనే పంపించి, పరిష్కార స్వభావాన్ని ప్రజావాణి పోర్టల్‌లో నమోదు చేయాలని సూచించారు. కార్యక్రమంలో అదనపు కలెక్టర్లు అశోక్‌కుమార్, విజయలక్ష్మి, డిఆర్వో వసంత కుమారి మరియు ఇతర అధికారులు పాల్గొన్నారు.