Local
ઝાલોદમાં ધારાસભ્ય મહેશ ભૂરીયાના હસ્તે સાત દિવસીય સ્વદેશી મેળાનો ભવ્ય પ્રારંભ
ઝાલોદ નગરપાલિકા દ્વારા સ્થાનિક ઉત્પાદનોને પ્રોત્સાહન આપવા માટે પોલીસ પરેડ ગ્રાઉન્ડ ખાતે સાત દિવસીય સ્વદેશી મેળાનું આયોજન કરવામાં આવ્યું છે, જેનો પ્રારંભ ધારાસભ્ય મહેશ ભૂરીયાએ રિબન કાપીને કર્યો છે.
શહેરી વિકાસ અને શહેરી ગૃહ નિર્માણ વિભાગ (ગુજરાત શહેરી આજીવિકા મિશન) તથા ઝાલોદ નગરપાલિકા દ્વારા સ્વદેશી ઉત્પાદનોને પ્રોત્સાહન આપવા અને સ્થાનિક વેપારીઓને મજબૂત બનાવવાના હેતુથી ઝાલોદના બાંસવાડા રોડ પર પોલીસ સ્ટેશન સામે આવેલા પોલીસ પરેડ ગ્રાઉન્ડ ખાતે સાત દિવસીય સ્વદેશી મેળાનું આયોજન કરવામાં આવ્યું છે. તા. 25 ઓક્ટોબરથી 31 ઓક્ટોબર, 2026 સુધી યોજાનારા આ મેળાનો ઝાલોદ 130 વિધાનસભાના ધારાસભ્ય મહેશભાઈ એસ. ભૂરીયાના હસ્તે રિબન કાપીને અને દીપ પ્રાગટ્ય કરીને પ્રારંભ કરવામાં આવ્યો હતો. આ પ્રસંગે ઝાલોદ નગરપાલિકાનાં પ્રમુખ રેખાબેન ટી. વસૈયા, ઇન્ચાર્જ ચીફ ઓફિસર વૈશાલીબેન નીનામા, કારોબારી ચેરમેન દિનેશભાઈ એસ. પંચાલ સહિત નગરપાલિકાના કાઉન્સિલરો અને મોટી સંખ્યામાં નગરજનો ઉપસ્થિત રહ્યા હતા.
મેળાના પ્રારંભ પ્રસંગે ધારાસભ્ય મહેશભાઈ ભૂરીયાએ સ્વદેશી ઉત્પાદનોને પ્રોત્સાહન આપવું, સ્થાનિક કારીગરો અને વેપારીઓને યોગ્ય બજાર પૂરું પાડવું તથા નાગરિકોમાં સ્વદેશી વસ્તુઓની ખરીદી પ્રત્યે જાગૃતિ લાવવી અત્યંત જરૂરી હોવાનું જણાવ્યું હતું. તેમણે ‘દર ઘર સ્વદેશી, ઘર-ઘર સ્વદેશી’ અને ‘વોકલ ફોર લોકલ’ના સંદેશને સાકાર કરવા નાગરિકોને સ્વદેશી વસ્તુઓની ખરીદી કરવા અપીલ કરી હતી. ધારાસભ્યે આશા વ્યક્ત કરી હતી કે સ્થાનિક ઉત્પાદનોનો ઉપયોગ વધવાથી નાના વેપારીઓને પ્રોત્સાહન મળશે, રોજગારીની નવી તકો ઊભી થશે અને સ્થાનિક અર્થતંત્રને મજબૂતી મળશે.
મેળાના પ્રારંભ બાદ ધારાસભ્ય મહેશભાઈ ભૂરીયા સહિત ઉપસ્થિત મહાનુભાવોએ વિવિધ સ્ટોલની મુલાકાત લઈને ત્યાં ઉપલબ્ધ ઉત્પાદનોની માહિતી મેળવી હતી. આ દરમિયાન ધારાસભ્યે બાળકોને ખરીદી કરાવી તેમના પ્રત્યેનો સ્નેહ પણ વ્યક્ત કર્યો હતો. બાળકો માટે વિશેષ રમતગમત અને મનોરંજનની વ્યવસ્થા કરવામાં આવી છે, જે મેળામાં આકર્ષણનું કેન્દ્ર બની છે. પરિવાર સાથે મેળાની મુલાકાતે આવતા નગરજનો માટે ખરીદીની સાથે મનોરંજનનો પણ અવસર ઊભો થયો છે.
ઝાલોદ નગરપાલિકા દ્વારા આયોજિત આ સ્વદેશી મેળો તા. 25 ઓક્ટોબરથી 31 ઓક્ટોબર, 2026 સુધી સાત દિવસ ચાલશે. દરરોજ સાંજે 4 વાગ્યાથી રાત્રે 10 વાગ્યા સુધી નગરજનો મેળાની મુલાકાત લઈ શકશે. ‘સર્જનથી સમૃદ્ધિ સુધી’, ‘આત્મનિર્ભર સખી’ અને ‘વોકલ ફોર લોકલ’ના સંદેશ સાથે યોજાયેલા આ મેળા દ્વારા સ્થાનિક ઉત્પાદનોને પ્રોત્સાહન આપવા અને શહેરી આજીવિકાને વેગ આપવાનો પ્રયાસ કરવામાં આવ્યો છે.
મેળાના પ્રારંભ પ્રસંગે ધારાસભ્ય મહેશભાઈ ભૂરીયાએ સ્વદેશી ઉત્પાદનોને પ્રોત્સાહન આપવું, સ્થાનિક કારીગરો અને વેપારીઓને યોગ્ય બજાર પૂરું પાડવું તથા નાગરિકોમાં સ્વદેશી વસ્તુઓની ખરીદી પ્રત્યે જાગૃતિ લાવવી અત્યંત જરૂરી હોવાનું જણાવ્યું હતું. તેમણે ‘દર ઘર સ્વદેશી, ઘર-ઘર સ્વદેશી’ અને ‘વોકલ ફોર લોકલ’ના સંદેશને સાકાર કરવા નાગરિકોને સ્વદેશી વસ્તુઓની ખરીદી કરવા અપીલ કરી હતી. ધારાસભ્યે આશા વ્યક્ત કરી હતી કે સ્થાનિક ઉત્પાદનોનો ઉપયોગ વધવાથી નાના વેપારીઓને પ્રોત્સાહન મળશે, રોજગારીની નવી તકો ઊભી થશે અને સ્થાનિક અર્થતંત્રને મજબૂતી મળશે.
મેળાના પ્રારંભ બાદ ધારાસભ્ય મહેશભાઈ ભૂરીયા સહિત ઉપસ્થિત મહાનુભાવોએ વિવિધ સ્ટોલની મુલાકાત લઈને ત્યાં ઉપલબ્ધ ઉત્પાદનોની માહિતી મેળવી હતી. આ દરમિયાન ધારાસભ્યે બાળકોને ખરીદી કરાવી તેમના પ્રત્યેનો સ્નેહ પણ વ્યક્ત કર્યો હતો. બાળકો માટે વિશેષ રમતગમત અને મનોરંજનની વ્યવસ્થા કરવામાં આવી છે, જે મેળામાં આકર્ષણનું કેન્દ્ર બની છે. પરિવાર સાથે મેળાની મુલાકાતે આવતા નગરજનો માટે ખરીદીની સાથે મનોરંજનનો પણ અવસર ઊભો થયો છે.
ઝાલોદ નગરપાલિકા દ્વારા આયોજિત આ સ્વદેશી મેળો તા. 25 ઓક્ટોબરથી 31 ઓક્ટોબર, 2026 સુધી સાત દિવસ ચાલશે. દરરોજ સાંજે 4 વાગ્યાથી રાત્રે 10 વાગ્યા સુધી નગરજનો મેળાની મુલાકાત લઈ શકશે. ‘સર્જનથી સમૃદ્ધિ સુધી’, ‘આત્મનિર્ભર સખી’ અને ‘વોકલ ફોર લોકલ’ના સંદેશ સાથે યોજાયેલા આ મેળા દ્વારા સ્થાનિક ઉત્પાદનોને પ્રોત્સાહન આપવા અને શહેરી આજીવિકાને વેગ આપવાનો પ્રયાસ કરવામાં આવ્યો છે.