પારડીમાં ૨૧ વર્ષીય યુવક ગુમ, પોલીસ શોધમાં

15 ઓક્ટોબર 2026ની રાત્રે 8:30 વાગ્યે પારડી તાલુકાના પરિયા વેલવાગડ, તડી ફળિયા ખાતે રહેતા ૨૧ વર્ષીય વ્રતિકભાઈ વિજયભાઈ પટેલ પોતાના ઘરેથી નોકરી માટે નીકળ્યા અને ત્યારબાદ પરત ફર્યા નથી. તેમની શોધખોળમાં કોઈ ભાળ મળી નથી અને તેઓ આજદિન સુધી ગુમ છે.

વ્રતિકભાઈ પાતળા, ઘઉંવર્ણ અને 5 ફૂટ 2 ઇંચ ઉંચાઈ ધરાવે છે. તેઓ મરૂન રંગના લાંબા બાંયના શર્ટ, કાળા રંગના પેન્ટ અને કાળા રંગના સેન્ડલ પહેરેલા હતા.

તેઓ ગુજરાતી અને હિન્દી ભાષા જાણે છે. જો કોઈને પણ આ યુવકની ભાળ મળે તો પારડી પોલીસ સ્ટેશનનો 9879199199, પોલીસ કંટ્રોલ રૂમ નં. 02632-253333/242900 અને ઈ-મેઈલ sp-val@gujarat.gov.in પર સંપર્ક કરી જાણ કરવા વિનંતી છે.