ఎమ్మిగనూరు బిజెపిలో అసమ్మతి సెగ: అంతర్గత విచారణకు మాజీ జిల్లా ఉపాధ్యక్షుడి డిమాండ్

ఎమ్మిగనూరులో కూటమిలో భాగంగా బిజెపి తరఫున 15 వార్డుల్లో కౌన్సిలర్లను గెలిపించుకునే బలం ఉన్నప్పటికీ, ఆ ఇద్దరు నేతలు లోపాయికారీ ఒప్పందం చేసుకుని తమకే కౌన్సిలర్ పదవులు కావాలని పట్టుబట్టారని ఆయన ఆరోపించారు. దీనివల్ల పార్టీ మనుగడ ప్రమాదంలో పడిందని, కార్యకర్తలు నష్టపోతున్నారని ఆవేదన వ్యక్తం చేశారు.
తాను పదేళ్లుగా ఎలాంటి పదవులు ఆశించకుండా పార్టీ కోసం పనిచేస్తున్నానని నారాయణ తెలిపారు. ఇలాంటి పరిస్థితుల్లో తీసుకున్న నిర్ణయాలు ఎంతవరకు సమంజసమో నాయకత్వం పరిశీలించాలని కోరారు. "నేను పార్టీని వీడినా పర్వాలేదు, కానీ కార్యకర్తలను ఆదుకుని ఎమ్మిగనూరులో బిజెపిని బతికించాలి" అని ఆయన విజ్ఞప్తి చేశారు.