સુરતના પાલોદમાં દિવાળી અને લગ્ન પ્રસંગે ૨૦ લાખની મિલકત ચોરી

સુરત જિલ્લાના કીમ ચારરસ્તા નજીક આવેલા પાલોદના મહેબૂબનગર વિસ્તારમાં ચોરીનો બનાવ બન્યો છે. દિવાળી તહેવાર અને ઘરના બે દીકરાઓના લગ્નના પ્રસંગ ટાણે જ તસ્કરોએ ઘરમાં ઘૂસીને રૂ. ૨૦ લાખથી વધુની મિલકત ચોરી લીધી છે.

ઘરમાલિક ફિરોઝભાઈ શેખે આ બનાવ અંગે જણાવ્યું હતું કે, તેમના બે ભાઈઓના લગ્ન નજીક હોવાથી ઘરમાં તૈયારીઓ ચાલુ રહી હતી. રાત્રે પરિવારના સભ્યો હોલમાં સૂઈ ગયા હતા, ત્યારે તસ્કરોએ ઘરના આગળના ભાગેથી ઉપર ચઢીને ઘરમાં પ્રવેશ કર્યો હતો.

આ દરમિયાન તસ્કરોએ ઘરમાં રહેલી મિલકત ચોરી લઈને ફરાર થઈ ગયા છે. આ બનાવથી પરિવારમાં શોક ફેલાયો છે અને પોલીસે મામલો નોંધીને તપાસ શરૂ કરી છે.