સુરતમાં પાંડેસરા પોલીસ સ્ટેશનમાં ખાખી વર્દી ગરબાના રંગે રંગાઈ! પાંડેસરા પોલીસ સ્ટેશનમાં પોલીસ સ્ટાફે ગરબે ઘૂમી માતાજીની આરાધના કરી.”

સુરતના પાંડેસરા પોલીસ સ્ટેશન ખાતે નવરાત્રીના પાવન પર્વ નિમિત્તે ગરબાનું આયોજન કરવામાં આવ્યું, જેમાં પોલીસ સ્ટાફે ગરબે ઘૂમીને માતાજીની ભક્તિ અને આસ્થાનો અનોખો રંગ જમાવ્યો.
ફરજની સાથે ભક્તિનો સંગમ જોવા મળ્યો, જ્યાં પોલીસ સ્ટાફ ગરબાના તાલે ઝૂમી ઉઠ્યો હતો. માતાજીની આરાધના અને ગરબાના ઉત્સાહથી સમગ્ર વાતાવરણ ભક્તિમય બની ગયું.
ખાખી વર્દીમાં કાયદો અને વ્યવસ્થાની જવાબદારી નિભાવતા પોલીસકર્મીઓ જ્યારે ગરબાના રંગે રંગાયા, ત્યારે નવરાત્રીની ખુશી અને ઉત્સાહનો સુંદર માહોલ જોવા મળ્યો.