Health
ઝાલોદમાં ‘રક્ત રક્ષક બાઇક રેલી’નું આગમન; ‘મેં ભી રક્તદાતા, હર ઘર રક્તદાતા’નો સંકલ્પ
Watch on:
📘 Facebook
૪,૦૦૦ કિલોમીટરની જાગૃતિ યાત્રા પૂર્ણ કરીને રક્ત રક્ષક બાઇક રેલી ઝાલોદ પહોંચી છે. ભારત ટાવર ખાતે રક્તદાતાઓનું સન્માન કરીને દાહોદ જિલ્લામાં દર મહિને ૫,૦૦૦ રક્ત યુનિટની જરૂરિયાત પૂર્ણ કરવા માટે જનજાગૃતિ ફેલાવવાની અપીલ કરવામાં આવી છે.
રક્તદાન એ માત્ર દાન નથી, પરંતુ કોઈના જીવનને નવજીવન આપવાનું મહાન કાર્ય છે. આ જ સંદેશ સાથે ‘મેં ભી રક્તદાતા, હર ઘર રક્તદાતા’ના સંકલ્પને સાકાર કરવા નીકળેલી રક્ત રક્ષક બાઇક રેલીનું ઝાલોદ નગરમાં આગમન થયું હતું. રક્ત સેવક ડૉ. મનીષના નેતૃત્વમાં ૧ ઓક્ટોબર, સ્વૈચ્છિક રક્તદાન દિવસથી શરૂ થયેલી આ યાત્રા દરમિયાન અંદાજે ૨૨ જિલ્લાઓનો પ્રવાસ કરીને ૪,૦૦૦ કિલોમીટરનું અંતર કાપવામાં આવ્યું છે. આગામી ૩૧ ઓક્ટોબરના રોજ સ્ટેચ્યૂ ઑફ યુનિટી ખાતે યાત્રાનું સમાપન કરવાનું આયોજન છે, જ્યાં સુધીમાં ૩૪ જિલ્લાઓ સુધી રક્તદાનનો સંદેશ પહોંચાડવાનો હેતુ રાખવામાં આવ્યો છે.
ઝાલોદ નગરના ભીલ રાજા ઝાલા વસૈયા ચોકથી રેલીનું આગમન થતાં સામાજિક અને ધાર્મિક આગેવાનો, ઝાલોદ તાલુકાના આરોગ્ય અધિકારી ડૉ. તુષાર ભાભોર સહિતના આગેવાનોએ રેલીના સભ્યોનું ઉષ્માભર્યું સ્વાગત કર્યું હતું. રેલી સરદાર પટેલ ચોક, આંબેડકર ચોક, બિરસા મુંડા સર્કલ અને મહાત્મા ગાંધી ચોક થઈ ભારત ટાવર ખાતે પહોંચી હતી, જ્યાં માર્ગમાં આવેલા વિવિધ ચોક પર મહાનુભાવોની પ્રતિમાઓને ફૂલમાળા અર્પણ કરી શ્રદ્ધાંજલિ આપવામાં આવી હતી. રેલીના અંતિમ પડાવ ભારત ટાવર ખાતે રક્તદાન ક્ષેત્રે યોગદાન આપતા મહિલા સહિત રક્તદાતાઓનું પુષ્પ અર્પણ કરીને સન્માન કરવામાં આવ્યું હતું.
ઝાલોદ નગર રક્તદાન માટે હંમેશાં અગ્રેસર રહ્યું છે, તે બદલ રક્તદાતાઓની સેવાભાવનાને બિરદાવવામાં આવી હતી. રક્ત રક્ષક યાત્રા દરમિયાન દાહોદ જિલ્લામાં દર મહિને અંદાજે ૫,૦૦૦ યુનિટ રક્તની જરૂરિયાત ઊભી થતી હોવાનો ઉલ્લેખ કરી, આ જરૂરિયાત સ્થાનિક રક્તદાતાઓના સહયોગથી પૂર્ણ થાય તે માટે જનજાગૃતિ ફેલાવવાની અપીલ કરવામાં આવી હતી. રક્તદાન અંગેની ગેરમાન્યતાઓ દૂર કરીને સ્વૈચ્છિક રક્તદાનને લોકચળવળ બનાવવાની જરૂરિયાત સમજાવી, ખાસ કરીને યુવાનો અને મહિલાઓને રક્તદાન માટે આગળ આવવા પ્રેરિત કરવામાં આવ્યા હતા.
રક્તદાનની સાથે સિકલસેલ અને થેલેસેમિયા જેવી બીમારીઓથી પીડાતા દર્દીઓ પ્રત્યે જાગૃતિ કેળવવા અપીલ કરવામાં આવી હતી. સાથે જ મારગ અકસ્માતો અટકાવવા વાહનચાલકોને ટ્રાફિકના નિયમોનું પાલન કરવા, ટુ-વ્હીલર ચલાવતી વખતે હેલ્મેટ પહેરવા અને કારમાં સીટબેલ્ટનો ઉપયોગ કરવા ખાસ અનુરોધ કરવામાં આવ્યો હતો. ઝાલોદ નગરમાં રેલીના આગમનથી રક્તદાન અંગે જનજાગૃતિનો સંદેશ પ્રસર્યો હતો અને જરૂરિયાતમંદ દર્દીઓને સમયસર રક્ત મળી રહે તેવો પ્રેરણાદાયી સંદેશ આપવામાં આવ્યો હતો.
ઝાલોદ નગરના ભીલ રાજા ઝાલા વસૈયા ચોકથી રેલીનું આગમન થતાં સામાજિક અને ધાર્મિક આગેવાનો, ઝાલોદ તાલુકાના આરોગ્ય અધિકારી ડૉ. તુષાર ભાભોર સહિતના આગેવાનોએ રેલીના સભ્યોનું ઉષ્માભર્યું સ્વાગત કર્યું હતું. રેલી સરદાર પટેલ ચોક, આંબેડકર ચોક, બિરસા મુંડા સર્કલ અને મહાત્મા ગાંધી ચોક થઈ ભારત ટાવર ખાતે પહોંચી હતી, જ્યાં માર્ગમાં આવેલા વિવિધ ચોક પર મહાનુભાવોની પ્રતિમાઓને ફૂલમાળા અર્પણ કરી શ્રદ્ધાંજલિ આપવામાં આવી હતી. રેલીના અંતિમ પડાવ ભારત ટાવર ખાતે રક્તદાન ક્ષેત્રે યોગદાન આપતા મહિલા સહિત રક્તદાતાઓનું પુષ્પ અર્પણ કરીને સન્માન કરવામાં આવ્યું હતું.
ઝાલોદ નગર રક્તદાન માટે હંમેશાં અગ્રેસર રહ્યું છે, તે બદલ રક્તદાતાઓની સેવાભાવનાને બિરદાવવામાં આવી હતી. રક્ત રક્ષક યાત્રા દરમિયાન દાહોદ જિલ્લામાં દર મહિને અંદાજે ૫,૦૦૦ યુનિટ રક્તની જરૂરિયાત ઊભી થતી હોવાનો ઉલ્લેખ કરી, આ જરૂરિયાત સ્થાનિક રક્તદાતાઓના સહયોગથી પૂર્ણ થાય તે માટે જનજાગૃતિ ફેલાવવાની અપીલ કરવામાં આવી હતી. રક્તદાન અંગેની ગેરમાન્યતાઓ દૂર કરીને સ્વૈચ્છિક રક્તદાનને લોકચળવળ બનાવવાની જરૂરિયાત સમજાવી, ખાસ કરીને યુવાનો અને મહિલાઓને રક્તદાન માટે આગળ આવવા પ્રેરિત કરવામાં આવ્યા હતા.
રક્તદાનની સાથે સિકલસેલ અને થેલેસેમિયા જેવી બીમારીઓથી પીડાતા દર્દીઓ પ્રત્યે જાગૃતિ કેળવવા અપીલ કરવામાં આવી હતી. સાથે જ મારગ અકસ્માતો અટકાવવા વાહનચાલકોને ટ્રાફિકના નિયમોનું પાલન કરવા, ટુ-વ્હીલર ચલાવતી વખતે હેલ્મેટ પહેરવા અને કારમાં સીટબેલ્ટનો ઉપયોગ કરવા ખાસ અનુરોધ કરવામાં આવ્યો હતો. ઝાલોદ નગરમાં રેલીના આગમનથી રક્તદાન અંગે જનજાગૃતિનો સંદેશ પ્રસર્યો હતો અને જરૂરિયાતમંદ દર્દીઓને સમયસર રક્ત મળી રહે તેવો પ્રેરણાદાયી સંદેશ આપવામાં આવ્યો હતો.