ચાંદખેડામાં સફળ કાર-૨૪ પાછળથી કોપર વાયરની ચોરી કર્યાના કિસ્સામાં રવીભાઈની ધરપકડ

ચાંદખેડા પોલીસ સ્ટેશન પાર્ટ “એ” દ્વારા ભારતીય ન્યાય સંહિતા-૨૦૨૩ ની કલમ-૩૦૫(એ) અને ૩૩૧(૩) મુજબ ગુનો નોંધાયો છે. તારીખ 9/10/2026ના કલાક 12:15 થી 2:45 દરમિયાન ઝુંડાલ થી વૈષ્ણવી સર્કલ જતા સર્વિસ રોડ ની બાજુમાં સફળ કાર 24 ની પાછળ આવેલા સર્વે નંબર 317 ખેતરમાં આવેલ ઓરડી માંથી કોપર ના વાયર ની ચોરી થઈ હતી. આ ઘટનાની તપાસમાં પોલીસે સીસીટીવી કેમેરા અને હ્યુમન સોર્સના આધારે ચોરી કરનાર ઈસમને ઝડપી પાડ્યો છે.

પોલીસે આરોપી રવીભાઈ સ/ઓ નટવરભાઈ ગુલાબભાઈ (ઉંમર ૨૮ વર્ષ, ધંધો: છુટક મજુરી) ને ધરપકડ કરી છે. આરોપીનો રહેઠાણ ગણેશ મંદિરની પાછળ કાચા છાપરમા એમેઝોન ફ્રેસ ગોડાઉનની સામે ત્રાગડરોડ સાબરમતી પાસે છે. પોલીસે આરોપી પાસેથી ચોરી કરેલો મુદ્દામાલ કબ્જે કર્યો છે.

કબ્જે કરવામાં આવેલ મુદ્દામાલમાં (૧) કોપરના વાયરો કુલ્લે વજન ૪૫ કિ.ગ્રા. જેની કિંમત રૂ. ૫૪,૦૦૦/- ગણી શકાય છે અને (૨) એક ઝુપીટર ટૂવ્હિલર મો.સા. જેનો આર.ટી.ઓ. નં. GJ-01-YN-9678 છે અને જેની આશરે કિંમત રૂ. ૭૦,૦૦૦/- છે. આમ, કુલ્લે રૂ. ૧,૨૪,૦૦૦/- ની મત્તાનો મુદ્દામાલ પોલીસ કબ્જામાં લેવાયો છે. આરોપી વિરુદ્ધ કાયદેસરની કાર્યવાહી કરવામાં આવેલ છે.