અરવલ્લી એસીબી દ્વારા ટોલ ફ્રી નંબર ૧૦૬૪ અંગે જાગૃતિ કાર્યક્રમ યોજાયો..

અરવલ્લી એસીબી (એન્ટી કરપ્શન બ્યુરો) પોલીસ સ્ટેશન, મોડાસા દ્વારા એક મહત્વપૂર્ણ જાગૃતિ કાર્યક્રમનું આયોજન કરવામાં આવ્યું.આ કાર્યક્રમ રમઝટ પાર્ટી પ્લોટ ખાતે યોજાયો હતો,જેમાં ટોલ ફ્રી નંબર ૧૦૬૪ ના પ્રચાર અને પ્રસિદ્ધિ પર ભાર મૂકવામાં આવ્યો..

આ કાર્યક્રમનો મુખ્ય ઉદ્દેશ્ય નાગરિકોમાં ભ્રષ્ટાચાર વિરોધી જાગૃતિ ફેલાવવાનો અને તેમને ભ્રષ્ટાચારની જાણ કરવા માટે પ્રોત્સાહિત કરવાનો હતો.ટોલ ફ્રી નંબર ૧૦૬૪ એ ભ્રષ્ટાચારની ફરિયાદો નોંધાવવા માટે એક સરળ અને સુલભ માધ્યમ છે,જેના વિશે લોકોને માહિતગાર કરવામાં આવ્યા.એસીબી પોલીસ દ્વારા આયોજિત આ પ્રચાર પ્રસિદ્ધિ કાર્યક્રમમાં લોકોએ ઉત્સાહભેર ભાગ લીધો હતો.અધિકારીઓએ ૧૦૬૪ નંબરના મહત્વ અને તેનો ઉપયોગ કેવી રીતે કરવો તે અંગે વિસ્તૃત માહિતી આપી હતી,જેથી ભ્રષ્ટાચાર સામે લડવામાં નાગરિકો સક્રિય ભૂમિકા ભજવી શકે.