ઉના પોલીસ સ્ટેશનના હેડ કોન્સ્ટેબલ અને પ્રજાજન સામે લાંચ લેવાનો ગુનો નોંધાયો

ગીર સોમનાથ જિલ્લાના ઉના પોલીસ સ્ટેશનમાં ફરજ બજાવતા હેડ કોન્સ્ટેબલ ધીરૂભાઇ ચીથડભાઇ બાંભણીયા અને પ્રજાજન દિનેશભાઇ નાથુભાઇ બાકીયા વિરુદ્ધ ૨૦૦૦ રૂપિયાની લાંચ લેવાના આરોપસર ગુનો દાખલ કરવામાં આવ્યો છે. આ કાર્યવાહી ટોલ ફ્રી નંબર ૧૦૬૪ પર મળેલી ફરિયાદના આધારે કરવામાં આવી છે.

પ્રાપ્ત માહિતી અનુસાર, ફરિયાદીના દમાસા ગામમાંથી પથ્થરના ટ્રેક્ટર દ્વારા આજુબાજુના ગામોમાં ફેરા કરવામાં આવે છે. આ કામગીરી માટે આરોપી હેડ કોન્સ્ટેબલે ટ્રેક્ટર દીઠ બે માસના ૫૦૦૦ રૂપિયા ગેરકાયદેસર રીતે લાંચ પેટે માંગ્યા હતા.

આ ગુનામાં આરોપી નંબર (૧) હેડ કોન્સ્ટેબલ ધીરૂભાઇ ચીથડભાઇ બાંભણીયાની ધરપકડ કરવાની કાર્યવાહી હજુ બાકી છે. પોલીસ આ મામલે વધુ તપાસ હાથ ધરી રહી છે.