અમદાવાદ: લગ્નની લાલચ આપી દુષ્કર્મ ગુજારનાર ચેન્નઈના શખ્સ સામે ફરિયાદ

અમદાવાદ શહેરના ઘાટલોડિયા પોલીસ સ્ટેશનમાં ચેન્નઈના એક વ્યક્તિ સામે દુષ્કર્મની ફરિયાદ નોંધાઈ છે. એક મહિલાએ ફરિયાદમાં જણાવ્યું છે કે આરોપીએ લગ્નની લાલચ આપીને તેની સાથે શારીરિક સંબંધ બાંધ્યા અને બાદમાં સોનીની ચાલી વિસ્તારમાં આવેલા એક હોટેલમાં લઈ જઈને તેની સાથે દુષ્કર્મ આચર્યું.

પ્રાપ્ત માહિતી અનુસાર, આ બંને પરિચિત છેલ્લા બે વર્ષથી એકબીજાના સંપર્કમાં હતા. મહિલાની ફરિયાદના આધારે પોલીસે આરોપી વિરુદ્ધ ગુનો નોંધી કાયદેસરની કાર્યવાહી હાથ ધરી છે. આ ઘટનામાં 'લવ જેહાદ'ના આક્ષેપો પણ કરવામાં આવ્યા છે.

પોલીસ સૂત્રોના જણાવ્યા અનુસાર, આરોપી વ્યક્તિ સોશિયલ મીડિયા પર સક્રિય હોવાનું અને તેના આઠ જેટલા ઇન્સ્ટાગ્રામ એકાઉન્ટ હોવાનું પણ સામે આવ્યું છે. પોલીસે આ મામલે વધુ તપાસ હાથ ધરી છે અને આરોપીને ઝડપી પાડવાના પ્રયાસો શરૂ કર્યા છે.