વાવ-થરાદમાં અઢી વર્ષના બાળકની હત્યા: પિતાની ધરપકડ

વાવ-થરાદ જિલ્લામાં અઢી વર્ષના બાળકની હત્યાના સંબંધમાં પોલીસે તેના પિતા અશોક જીતાભાઈ રાવલની ધરપકડ કરી છે. આ ઘટનાએ સમગ્ર વિસ્તારમાં ચકચાર જગાવી છે.

પોલીસ સૂત્રોના જણાવ્યા અનુસાર, મૃતક બાળકના પિતા અશોક ત્રણ મહિનાથી બાળકની એકલા હાથે સંભાળ રાખી રહ્યા હતા. ત્રણ મહિના પહેલાં બાળકની માતા સાથે થયેલા ઝઘડા બાદ તે પોતાના પિયર જતી રહી હતી. ત્યારબાદ બાળકના ઉછેર અને દેખરેખની સંપૂર્ણ જવાબદારી પિતા પર આવી ગઈ હતી.

જ્યારે બાળકને હોસ્પિટલ લઈ જવામાં આવ્યું ત્યારે ફરજ પરના તબીબોએ તેને મૃત જાહેર કર્યો હતો. પ્રાથમિક તપાસમાં એવું પણ સામે આવ્યું છે કે આરોપી પિતાએ પુરાવા છુપાવવાનો પ્રયાસ કર્યો હતો. જોકે, આરોપીના કાકા બાબુભાઈ રાવલે પોલીસને આ ઘટનાની જાણ કરતાં પોલીસે તાત્કાલિક તપાસ હાથ ધરી હતી.

પોલીસે બાળકના મૃતદેહને કબજે લઈ પોસ્ટમોર્ટમ માટે મોકલી આપ્યો છે. આ કેસમાં વધુ તપાસ હાથ ધરવામાં આવી રહી છે અને હત્યા પાછળના કારણો જાણવાનો પ્રયાસ કરવામાં આવી રહ્યો છે.