વિરમગામમાં ગણેશપાર્ક સોસાયટીના નવરાત્રિ મહોત્સવમાં માતાજીની આરતી ઉતારવામાં આવી

વિરમગામ શહેરમા જગતજનની મા અંબાના પાવન નવરાત્રિ પર્વના છઠ્ઠા નોરતે વિરમગામ ખાતે ગણેશપાર્ક સોસાયટી દ્વારા નવરાત્રિ મહોત્સવનું સુંદર આયોજન કરવામાં આવ્યું હતું. આ પ્રસંગે માતાજીની આરતી ઉતારવામાં આવી હતી, જેમાં સોસાયટીના રહીશોએ ઉત્સાહભેર ભાગ લીધો હતો અને માતાજીની આરાધના કરી ધન્યતા અનુભવી હતી.આ પ્રસંગે અમદાવાદ જિલ્લા મહિલા મોરચાનાં પ્રમુખ લીનાબેન પટેલ પણ ઉપસ્થિત રહ્યાં હતાં.નવરાત્રિ મહોત્સવના સુંદર આયોજન બદલ સોસાયટીના તમામ આયોજકો અને સભ્યોને હાર્દિક અભિનંદન પાઠવવામાં આવ્યાં હતાં.અંતમાં મા અંબાને સૌના જીવનમાં સુખ, શાંતિ, સમૃદ્ધિ અને ખુશીઓ વરસાવવાની પ્રાર્થના કરવામાં આવી હતી. સમગ્ર કાર્યક્રમ ભક્તિમય માહોલમાં સંપન્ન થયો હતો.
રિપોર્ટર અસીકઅલી ગીલાણી, વિરમગામ