લાઠીના નાના રાજકોટ ગામે વાડી વિસ્તારમાં સગીરાએ ઝેરી દવા પીધી

લાઠી તાલુકાના નાના રાજકોટ ગામની વાડી વિસ્તારમાં એક સગીરાએ કોઈ અગમ્ય કારણોસર ઝેરી દવા પી લીધી હોવાનો બનાવ બન્યો છે. આ ઘટનાને પગલે સમગ્ર વિસ્તારમાં ચકચાર મચી જવા પામી છે.

પોલીસમાંથી પ્રાપ્ત થયેલી વિગતો અનુસાર, સગીરાએ તેના પિતાની ભાગવી રાખેલી વાડીની ઓરડીમાં જાતે જ કપાસમાં છાંટવાની ઝેરી દવા પી લીધી હતી. આ કૃત્ય પાછળનું ચોક્કસ કારણ હજુ અકબંધ છે.

ઘટનાની જાણ થતાં જ સ્થાનિકો દ્વારા સગીરાને તાત્કાલિક સારવાર અર્થે નજીકની હોસ્પિટલમાં ખસેડવામાં આવી હતી, જ્યાં તેની સારવાર ચાલી રહી છે. આ બનાવ અંગે લાઠી પોલીસ સ્ટેશનના હેડ કોન્સ્ટેબલ કે. એન. ગરૈયા દ્વારા વધુ તપાસ હાથ ધરવામાં આવી છે અને બનાવનું કારણ જાણવાના પ્રયાસો કરવામાં આવી રહ્યા છે.