બહુજન આર્મીના આંદોલન અને અલ્ટીમેટમનો વિજયઃ ઇફકો પ્રશાસન અને પેરાગિન સિક્યુરિટીએ તમામ માંગણીઓ સ્વીકારી, ૧૭ તારીખના ધરણાં કાર્યક્રમ સ્થગિત

ગાંધીધામ ખાતે ઇફકો (IFFCO) મધ્યે પેરાગિન / સમર્થ પેરાગિન સિક્યુરિટી સંબંધિત પ્રશ્નો અને શ્રમિકોના હિતોને લઈને બહુજન આર્મી દ્વારા આગામી તારીખ ૧૭ (શનિવાર) ના રોજ વિરોધ પ્રદર્શન અને ધરણાં કરવાનો મક્કમ નિર્ણય લઈને અલ્ટીમેટમ આપવામાં આવ્યું હતું.

આ મુદ્દે આજે બહુજન આર્મી, ઇફકો પ્રશાસન અને પેરાગિન સિક્યુરિટીના જવાબદાર અધિકારીઓ વચ્ચે લગભગ ૫ કલાક સુધી સતત ગહન મીટિંગ અને ચર્ચા-વિચારણા ચાલી હતી. અંતે બહુજન આર્મીની લડતનો વિજય થયો છે અને પ્રશાસન દ્વારા તમામ માંગણીઓ સંપૂર્ણપણે સ્વીકારી લેવાતાં આ સમગ્ર વિવાદનો સુખદ અંત આવ્યો છે.