ରାୟଗଡ଼ା ଜିଲ୍ଲା ସ୍ତରୀୟ 'ଆମ କଳାକାର' ଚୟନ କାର୍ଯ୍ୟକ୍ରମ ସମାପ୍ତ

ଗତ ତିନିଦିନ ଧରି ରାୟଗଡ଼ା ଜିଲ୍ଲା ସଂସ୍କୃତି ବିଭାଗର ଆନୁକୂଲ୍ୟରେ ଜିଲ୍ଲା ସ୍ତରୀୟ 'ଆମ କଳାକାର' ଚୟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମ ମାଧ୍ୟମରେ ଜିଲ୍ଲାର ପ୍ରତିଭାବାନ କଳାକାରମାନଙ୍କୁ ଚିହ୍ନଟ କରାଯାଇଛି।

ସଂସ୍କୃତି ବିଭାଗର ଏହି ପଦକ୍ଷେପ ଜିଲ୍ଲାର କଳା ଓ ସଂସ୍କୃତିକୁ ପ୍ରୋତ୍ସାହିତ କରିବା ଏବଂ ସ୍ଥାନୀୟ କଳାକାରମାନଙ୍କୁ ଏକ ମଞ୍ଚ ପ୍ରଦାନ କରିବାର ଲକ୍ଷ୍ୟ ନେଇ ଆୟୋଜିତ ହୋଇଥିଲା। ଏଥିରେ ବିଭିନ୍ନ କଳା କ୍ଷେତ୍ରରୁ କଳାକାରମାନେ ଅଂଶଗ୍ରହଣ କରିଥିଲେ।

ଏହି ଚୟନ ପ୍ରକ୍ରିୟା ସଫଳ ଭାବେ ସମ୍ପନ୍ନ ହୋଇଥିବା ବେଳେ, ଜିଲ୍ଲାର କଳାକାରମାନଙ୍କ ମଧ୍ୟରେ ଉତ୍ସାହ ପରିଲକ୍ଷିତ ହୋଇଛି। ଏହା ସ୍ଥାନୀୟ କଳା ଓ ସଂସ୍କୃତିର ବିକାଶରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ବୋଲି ଆଶା କରାଯାଉଛି।ଏହି ଚୟନ କାର୍ଯ୍ୟକ୍ରମ ରେ ଜିଲ୍ଲାର ବିଭିନ୍ନ କୋଣ ଅନୁକୋଣରୁ ସଂକୀର୍ତ୍ତନ ଦଳ, ଓଡ଼ଶୀ ନୃତ୍ଯ ଦଳ,ସମ୍ବଲପୁରୀ ନୃତ୍ୟ ଦଳ , ସଙ୍ଗୀତ ତଥା ଅନ୍ୟାନ୍ୟ କଳାରେ ପାରଦର୍ଶିତା ଲାଭ କରିଥିବା ୧୪୦ଟି ଦଳ ନିଜ ନିଜ କଳାକୁ ପ୍ରଦର୍ଶନ କରି ବିଚାରକ ମଣ୍ଡଳୀଙ୍କ ପ୍ରଂଶସା ସାଉଣ୍ଟି ଥିଲେ।ଏହି ଚୟନ କାର୍ଯ୍ୟକ୍ରମ ରେ ସୁଦୂର ଗୁଣୁପୁରର ନୃତଶ୍ରୀ କଳାକେନ୍ଦ୍ର ର ଗୁରୁ ଡକ୍ଟର ରୀନା ରାଣୀ ସାହୁ ଙ୍କ ଏକ ଓଡିଶୀ ନୃତ୍ୟ ଦଳ ଭାଗନେଇ ବିଚାରକ ମଣ୍ଡଳୀ ଙ୍କ ଦ୍ଵାରା ଉଚ୍ଛ ପ୍ରଶଂସିତ ହୋଇଥିଲେ ।ଉକ୍ତ କାର୍ଯ୍ୟକ୍ରମ କୁ ନିଜେ ଜିଲ୍ଲା ସଂସ୍କୃତି ଅଧିକାରୀ ଉପସ୍ଥିତ ରହି ସଫଳତାର ସହ୍ ସମ୍ପାଦନ କରିଥିଲେ।ଏଥିରେ ବିଚାରକ ଭାବେ ଗୁରୁ ତ୍ରିଲୋଚନ ସାହୁ,ଗୁରୁ ପ୍ରଶାନ୍ତ ନାୟକ ଓ ଗୁରୁ ଦିଲ୍ଲୀପ ଚୌଧୁରୀ ରହିଥିଲେ ଏବଂ କାର୍ଯ୍ୟକ୍ରମ ସଂଯାଜନ। ଶ୍ରୀ ଅଶୋକ ଦାସ ତୁଲାଇଥିଲେ।