કંબોઇ નજીક બનાસ નદી પટમાં ગેરકાયદે રેતી ખનન પર મોટી કાર્યવાહી: દોઢ કરોડનો મુદ્દામાલ જપ્ત

કંબોઇ વિસ્તારમાં બનાસ નદીના પટમાં ગેરકાયદેસર રીતે રેતીનું ખનન થતું હોવાની બાતમીના આધારે પોલીસે રેડ કરી હતી. આ રેડ દરમિયાન મોટા પાયે ગેરકાયદે રેતી ખનન ઝડપી પાડવામાં આવ્યું હતું.

પોલીસે કરેલી કાર્યવાહીમાં કુલ દોઢ કરોડ રૂપિયાથી વધુનો મુદ્દામાલ જપ્ત કરવામાં આવ્યો છે. જેમાં ગેરકાયદે રેતી ખનન માટે ઉપયોગમાં લેવાતા 3 ડમ્પર વાહનો સહિત કુલ 5 વાહનો કબજે લેવાયા છે.

આ રેડથી ગેરકાયદે રેતી ખનન કરતા તત્વોમાં ફફડાટ મચી જવા પામ્યો છે. પોલીસે વધુ તપાસ હાથ ધરી છે અને આવા ગેરકાયદે પ્રવૃત્તિઓમાં સામેલ અન્ય લોકોની પણ શોધખોળ શરૂ કરી છે.