ચાવંડ ગામેથી સગીરાનું અપહરણ: અજાણ્યા ઈસમ સામે પોલીસ ફરિયાદ

લાઠી તાલુકાના ચાવંડ ગામમાં રહેતી એક સગીરનું અપહરણ કરવામાં આવતા ચકચાર મચી જવા પામી છે. આ અંગે સગીરાના પિતા દ્વારા અજાણ્યા ઈસમ વિરુદ્ધ પોલીસ ફરિયાદ નોંધાવવામાં આવી છે.

પ્રાપ્ત માહિતી અનુસાર, ફરિયાદમાં જણાવ્યા મુજબ, સગીરાના પિતાએ જણાવ્યું હતું કે, કોઈ અજાણ્યો આરોપી તેમની દીકરીનું તેમના રહેણાંક મકાનમાંથી અપહરણ કરી વાડી વિસ્તારમાંથી લઈ ગયો હતો.

આ ગંભીર બનાવ અંગે લાઠી પોલીસ સ્ટેશનના ઈન્ચાર્જ પી.આઈ. કે. કે. પાંડવ દ્વારા વધુ તપાસ હાથ ધરવામાં આવી રહી છે. પોલીસ અપહરણકર્તાને ઝડપી પાડવા માટે પ્રયાસો કરી રહી છે.