ભચાઉમાં હત્યાની કોશિશના ગુનામાં આરોપી નવીનભાઈ બારોટ ઝડપાયો

કચ્છના ભચાઉમાં હત્યાની કોશિશ સહિતની ગંભીર કલમો હેઠળ નોંધાયેલા ગુનામાં ભચાઉ પોલીસે એક આરોપીને ઝડપી પાડ્યો છે. પોલીસે આરોપીની ધરપકડ કરી તેની વિરુદ્ધ કાયદેસરની કાર્યવાહી હાથ ધરી છે.

પોલીસની મળતી માહિતી મુજબ, સરહદી રેન્જ ભુજના પોલીસ મહાનિરીક્ષક શ્રી ચિરાગ કોરડિયા, પૂર્વ કચ્છ-ગાંધીધામના પોલીસ અધિક્ષક શ્રી સાગર બાગમાર તથા ભચાઉ વિભાગના નાયબ પોલીસ અધિક્ષક શ્રી સાગર સાંબડાના માર્ગદર્શન હેઠળ જિલ્લામાં ગંભીર ગુનાઓ અટકાવવા અને ગુનાઓમાં સંડોવાયેલા આરોપીઓને શોધી કાઢવા સૂચના આપવામાં આવી હતી. આ દરમિયાન ભચાઉ પોલીસ સ્ટેશનમાં ગુ.ર.નં. 793/2026 હેઠળ ભારતીય ન્યાય સંહિતાની વિવિધ કલમો તથા ગુજરાત પોલીસ અધિનિયમની કલમ 135 મુજબ ગુનો નોંધાયો હતો.

ગુનાની ગંભીરતાને ધ્યાનમાં રાખીને ભચાઉ પોલીસ સ્ટેશનના પોલીસ ઇન્સ્પેક્ટર દ્વારા આરોપીને તાત્કાલિક ઝડપી પાડવા સૂચના આપવામાં આવી હતી. જેના આધારે પોલીસે નવીનભાઈ મણીલાલ બારોટ (ઉંમર 35 વર્ષ, રહે. ભટ્ટ પાળીયા વિસ્તાર, જી.ઈ.બી. સામે, ભચાઉ, કચ્છ) ને ઝડપી પાડ્યો હતો. નોંધાયેલ ગુનામાં ભારતીય ન્યાય સંહિતાની કલમ 109(1), 115(2), 117(2), 351(3), 3(5), 189(2), 189(4), 190, 191(1), 191(2), 191(3), 324, 125(A), 25(B) તથા ગુજરાત પોલીસ અધિનિયમની કલમ 135 મુજબ ગુનો નોંધવામાં આવ્યો છે.

આ કામગીરી ભચાઉ પોલીસ સ્ટેશનના પોલીસ ઇન્સ્પેક્ટર તથા પોલીસ સ્ટાફ દ્વારા કરવામાં આવી હતી. ભચાઉ પોલીસે હત્યાની કોશિશના ગુનામાં આરોપીને ઝડપી પાડી કાયદેસરની કાર્યવાહી હાથ ધરી છે.