ઈડરના નવરંગ મેચિંગ સેન્ટરમાં મોડી રાત્રે ભીષણ આગ, ફાયર વિભાગે ભારે જહેમત બાદ કાબુ મેળવ્યો

ઈડર શહેરના નવરંગ મેચિંગ સેન્ટરમાં ગત મોડી રાત્રે અંદાજે ૧૧ વાગ્યાના સુમારે આગ લાગવાની ઘટના બની હતી. આગે વિકરાળ સ્વરૂપ ધારણ કર્યું હતું અને તેના કારણે સેન્ટરમાં રહેલો તમામ માલસામાન બળીને ખાખ થઈ ગયો હતો.

આગની જાણ થતાં જ ફાયર વિભાગની ટીમો તાત્કાલિક ઘટનાસ્થળે દોડી આવી હતી. ફાયર વિભાગના જવાનોએ ભારે જહેમત અને સતર્કતાપૂર્વક કામગીરી કરીને આગ પર કાબુ મેળવ્યો હતો, જેથી આગ વધુ ફેલાતી અટકી હતી.

આગ લાગવાનું ચોક્કસ કારણ હજુ સુધી જાણી શકાયું નથી. ઘટનાની જાણ થતાં સ્થાનિક લોકો પણ મોટી સંખ્યામાં એકત્ર થઈ ગયા હતા. સદનસીબે, આ ઘટનામાં કોઈ જાનહાનિ થઈ નથી.