સુરતમાં ગરબા છોડી દર્દીનો જીવ બચાવવા દોડી ગયા ડૉ. કલ્પના સવાણી

સુરતમાં નવરાત્રિના પવિત્ર તહેવાર દરમિયાન એક મહિલા ડૉક્ટરે પોતાની ફરજ પ્રત્યેની નિષ્ઠાનું ઉત્તમ ઉદાહરણ પૂરું પાડ્યું છે. ડૉ. કલ્પના સવાણી ગરબા રમી રહ્યાં હતાં ત્યારે મોડી રાત્રે તેમને હોસ્પિટલમાંથી ઇમરજન્સી કોલ આવ્યો હતો.

બારડોલીથી આવેલા એક ગંભીર દર્દીની હાલત નાજુક હોવાની જાણ થતાં જ ડૉ. કલ્પના સવાણીએ તરત જ ગરબા છોડી દીધા હતા અને રેપિડો દ્વારા હોસ્પિટલ પહોંચ્યા હતા. હોસ્પિટલ પહોંચીને તેમણે તાત્કાલિક દર્દીની સારવાર શરૂ કરી હતી.

વેન્ટિલેટર સપોર્ટ પર રહેલા દર્દીની સમયસર અને યોગ્ય સારવાર મળતાં તેમની તબિયતમાં સુધારો થયો હતો અને તેમનો જીવ બચી ગયો હતો. ડૉ. કલ્પના સવાણીએ આ ઘટનાને માતાજીના સાચા આશીર્વાદ ગણાવ્યા હતા અને તેમની આ કાર્યનિષ્ઠા માનવતાનું સાચું ઉદાહરણ પૂરું પાડે છે.