ବୁଧବାର ୩୯୩୮୨ କୋଟିର ୪୬ଟି ପ୍ରକଳ୍ପ ଉଦ୍‌ଘାଟନ କରିବେ ମୁଖ୍ୟମନ୍ତ୍ରୀ

ଭୁବନେଶ୍ୱର : ଆସନ୍ତାକାଲି (ବୁଧବାର) ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ଯାଜପୁର ଜିଲ୍ଲାର କଳିଙ୍ଗନଗରଠାରେ ଏକ ବୃହତ୍ ଶିଳ୍ପ ଭିତ୍ତିଭୂମି କାର୍ଯ୍ୟକ୍ରମରେ ୩୯,୩୮୩ କୋଟି ଟଙ୍କା ମୂଲ୍ୟର ୪୬ଟି ଶିଳ୍ପ ପ୍ରକଳ୍ପର ଉଦ୍‌ଘାଟନ ଓ ଶିଳାନ୍ୟାସ କରିବେ । ଏନେଇ ସୂଚନା ଦେଇଛନ୍ତି ଶିଳ୍ପ ମନ୍ତ୍ରୀ ସମ୍ପଦ ସ୍ବାଇଁ।
ଇମ୍ଫା, JSL ଡାଉନ୍ ଷ୍ଟ୍ରିମ୍ ଇଣ୍ଡଷ୍ଟ୍ରିର ଗ୍ରାଉଣ୍ଡ ବ୍ରେକିଙ୍ଗ କରିବେ ମୁଖ୍ୟମନ୍ତ୍ରୀ । କଳିଙ୍ଗନଗରରେ ୧୪ ଜିଲ୍ଲା ପାଇଁ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ। ଏହି ୪୬ଟି ପ୍ରକଳ୍ପ ଦ୍ୱାରା ରାଜ୍ୟରେ ପ୍ରାୟ ୪୨,୫୧୨ ଜଣଙ୍କ ପାଇଁ ନୂତନ କର୍ମସଂସ୍ଥାନ ବା ନିଯୁକ୍ତି ସୁଯୋଗ ସୃଷ୍ଟି ହେବ । ଏହି ପ୍ରକଳ୍ପଗୁଡ଼ିକ କେବଳ କଳିଙ୍ଗନଗରରେ ସୀମିତ ନରହି ଓଡ଼ିଶାର ୧୪ଟି ଜିଲ୍ଲାକୁ ବ୍ୟାପିବ । ଏଥିରେ ଇସ୍ପାତ ଠାରୁ ଆରମ୍ଭ କରି ଆଇଟି କ୍ଷେତ୍ର ପର୍ଯ୍ୟନ୍ତ ବିଭିନ୍ନ ବିଭାଗର ପ୍ରକଳ୍ପ ସାମିଲ ରହିଛି ବୋଲି ଶିଳ୍ପ ମନ୍ତ୍ରୀ ସୂଚନା ଦେଇଛନ୍ତି ।