જામનગર: મોટી બાણુંગાર સમાજવાડીની દીવાલ તોડી મારામારી અને જાનથી મારી નાખવાની ધમકીનો ગુનો નોંધાયો

જામનગરના મોટી બાણુગાર ગામે આંબેડકર સમાજવાડીની દીવાલ તોડી પાડવા, અનુસૂચિત જાતિના લોકોને જાતિપ્રત્યે અપમાનિત કરવા, મારામારી અને જાનથી મારી નાખવાની ધમકી આપવાના બનાવમાં 10 શખ્સો સામે પંચકોશી એ ડિવિઝન પોલીસ સ્ટેશનમાં ફરિયાદ નોંધાઈ છે. ફરિયાદ મુજબ, આરોપીઓએ એકસંપ થઈ સમાજવાડી તોડી પાડવાનો પ્રયાસ કર્યો હતો અને ટ્રેક્ટરથી દીવાલને નુકસાન પહોંચાડ્યું હતું. આ ઉપરાંત, સમાજના ગુલ્શનભાઇ અને નરેન્દ્રભાઇ રાજાભાઇ સાથે મારામારી કરી હોવાનો પણ આક્ષેપ છે.

પંચકોશી એ ડિવિઝન પોલીસે રતુભાઇ ગામી, નીલેશભાઈ ગામી, સુરેશભાઈ ગામી, રમેશભાઇ ગામી, થોભણભાઇ ગામી, અંકીતભાઇ ભેસદડીયા, તુસારભાઇ ભેસદડીયા, ટીનાભાઇ પટેલ, દીપ રતુભાઇ તથા અજાણ્યો ઇસમ સામે BNSની વિવિધ કલમો તથા એટ્રોસિટી એક્ટ હેઠળ ગુનો નોંધી વધુ તપાસ હાથ ધરી છે.