રાજકોટમાં પત્રકારત્વ જગતમાં ચકચાર, વીડિયો વાયરલ

રાજકોટ શહેરના પત્રકારત્વ જગતમાં ચકચાર મચી ગઈ છે. અબ તક મીડિયાના માલિક વિરુદ્ધ જન પ્રતિબિંબના માલિકને નગ્ન કરી ઢોર માર માર્યાના આક્ષેપ સાથેનો એક વીડિયો સોશિયલ મીડિયામાં વાયરલ થયો છે. વાયરલ વીડિયોમાં આક્ષેપ કરવામાં આવી રહ્યો છે કે જન પ્રતિબિંબના માલિક સાથે અમાનવીય વ્યવહાર કરવામાં આવ્યો હતો. જોકે, આ વીડિયોની સત્યતા અંગે હજુ સુધી સત્તાવાર પુષ્ટિ થઈ નથી. આ મામલે પોલીસ તપાસ બાદ જ સાચી હકીકત બહાર આવશે. હાલ આ વાયરલ વીડિયોને લઈને પત્રકાર આલમમાં ભારે ચર્ચા ચાલી રહી છે.