తణుకు సమీపంలో ఘోర రోడ్డు ప్రమాదం: టిప్పర్ లారీని ఢీకొన్న బైక్, వ్యక్తికి తీవ్ర గాయాలు

తణుకు నుంచి ఉండ్రాజవరం వెళ్లే రోడ్డులో సోమవారం తెల్లవారుజామున ఘోర రోడ్డు ప్రమాదం జరిగింది. ఈ ప్రమాదంలో ఒక వ్యక్తి తీవ్రంగా గాయపడ్డాడు.

పెట్రోల్ బంకు సమీపంలో నిలిపి ఉంచిన టిప్పర్ లారీని, అటుగా వెళ్తున్న బైక్ అదుపుతప్పి వెనుక నుంచి బలంగా ఢీకొట్టింది. ఈ ఢీకొన్న ధాటికి బైక్​పై వెళ్తున్న వ్యక్తికి తలకు తీవ్ర గాయాలయ్యాయి.

ప్రమాదానికి గురైన వ్యక్తి అపస్మారక స్థితిలోకి వెళ్లడంతో, అతని వివరాలు తెలియరాలేదు. వెంటనే 108 వాహనంలో అతన్ని తణుకు ప్రభుత్వ ఆసుపత్రికి తరలించి చికిత్స అందిస్తున్నారు.