વેસુમાં કારમાં બેઠેલી મહિલાને લૂંટવાના પ્રયાસમાં બે આરોપીઓ ઝડપાયા

વેસુ વિસ્તારમાં એક કારમાં બેઠેલી મહિલાને દેશી તમંચા અને ચપ્પાની અણીએ ધમકાવી સોનાના દાગીના તથા રોકડ રકમ લૂંટવાનો પ્રયાસ કરનાર બે આરોપીઓને વેસુ પોલીસે ગણતરીની કલાકોમાં ઝડપી પાડ્યા છે.

પોલીસે બંને આરોપીઓને પકડી પાડ્યા બાદ તેમની પાસેથી એક દેશી તમંચો, બે જીવતા કારતૂસ અને એક ચપ્પુ કબજે કર્યું છે. આ ઉપરાંત, આરોપીઓ પાસેથી ચોરીના બે વાહનો પણ પોલીસે કબ્જે કર્યા છે.

આ ઘટનામાં પોલીસે વધુ તપાસ હાથ ધરી છે અને લૂંટના પ્રયાસ પાછળ અન્ય કોઈ ગુનાહિત પ્રવૃત્તિ સામેલ છે કે કેમ તે અંગે પણ પૂછપરછ કરવામાં આવી રહી છે.