સુરતમાં નવરાત્રિના પ્રથમ દિવસે જ મહિલાને બંધક બનાવી લૂંટ, પોલીસે બે આરોપીઓને ઝડપી પાડ્યા

સુરતમાં નવરાત્રિના પવિત્ર તહેવારના પ્રથમ દિવસે જ લૂંટની એક ચોંકાવનારી ઘટના સામે આવી છે. શહેરના વેસુ વિસ્તારમાં પતિ સાથે ગરબા રમવા ગયેલી એક મહિલાનો શિકાર બન્યા હતા. આ ઘટના ત્યારે બની જ્યારે મહિલાના પતિ કોલ્ડડ્રિંક લેવા માટે ગયા હતા.

આ દરમિયાન, બે અજાણ્યા શખ્સોએ મહિલાને નિશાન બનાવી હતી. તેઓએ મહિલાને બળજબરીપૂર્વક કારમાં બંધક બનાવી લીધી હતી અને ત્યારબાદ લૂંટ ચલાવી હતી. આ કૃત્યથી સમગ્ર વિસ્તારમાં ચકચાર મચી જવા પામી છે.

ઘટનાની જાણ થતાં જ વેસુ પોલીસ તાત્કાલિક એક્શનમાં આવી હતી. પોલીસે સઘન તપાસ હાથ ધરીને ગણતરીના સમયમાં જ બંને આરોપીઓને ઝડપી પાડવામાં સફળતા મેળવી છે. પોલીસે આરોપીઓ પાસેથી લૂંટનો મુદ્દામાલ કબજે કરી કાયદેસરની કાર્યવાહી હાથ ધરી છે.