અરવલ્લી પોલીસે ૪૧ લાખથી વધુ કિંમતના પોશડોડા સાથે એકને ઝડપ્યો, કુલ ૫૦ લાખનો મુદ્દામાલ જપ્ત..

અરવલ્લી જિલ્લા LCB પોલીસે બાતમીના આધારે મોટી કાર્યવાહી હાથ ધરી છે. જિલ્લા LCB પોલીસે શામળાજી નજીક નાકાબંધી દરમિયાન એક મહિન્દ્રા સ્કોર્પીયો ગાડીને રોકી તલાશી લીધી હતી. પોલીસને ગાડીમાંથી ગેરકાયદેસર રીતે લઈ જવાઈ રહેલા ૨૭૮.૭૭ કિલોગ્રામ પોશડોડાનો જથ્થો મળી આવ્યો હતો, જેની કિંમત આશરે ₹૪૧,૮૧,૫૫૦/- આંકવામાં આવી છે..

પોલીસે ગાડીમાંથી પોશડોડા ઉપરાંત એક મેગેઝીન,૨ જીવતા કારતૂસ અને અન્ય કેટલીક ચીજવસ્તુઓ પણ કબજે કરી છે.પોલીસે કુલ મળીને ₹૫૦,૦૧,૫૫૦/- નો મુદ્દામાલ જપ્ત કર્યો છે.પોલીસે આ મામલે એક ઈસમને ઝડપી પાડ્યો છે અને વધુ તપાસ હાથ ધરી છે.આ ઉત્કૃષ્ટ કામગીરી બદલ અરવલ્લી LCB ટીમને પ્રશંસાપત્ર આપી સન્માનિત કરવામાં આવી છે. આ કાર્યવાહીથી પોલીસ વિભાગમાં આનંદની લાગણી જોવા મળી રહી છે.