ଘର ସାମ୍ନାରୁ ବୃଦ୍ଧାଙ୍କ ବେକରୁ ଝାମ୍ପିନେଲେ ଚେନ୍

ଘର ସାମ୍ନାରେ ଫୁଲ ତୋଳିବା ବେଳେ ବୃଦ୍ଧାଙ୍କ ବେକରୁ ସୁନା ଚେନ ଝାମ୍ପି ନେଲେ ଦୁର୍ବୃତ୍ତ । ଘଟଣା ଘଟିଛି ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ସହର ବଡବନ୍ଧ ନିକଟରେ ।
ବୃଦ୍ଧା ସୁଶୀଳା ମହାନ୍ତ ସବୁଦିନ ଭଳି ନିଜ ଘର ସାମ୍ନା ଗଛରୁ ଫୁଲ ତୋଳୁଥିଲେ । ହଠାତ ଦୁଇ ଜଣ ଦୁର୍ବୃତ୍ତ ବାଇକରେ ଆସି ତାଙ୍କ ବେକରୁ ସୁନା ଚେନ ଝାମ୍ପି ନେଇ ଖସି ପଳାଇଲେ। ଦୁର୍ବୃତ୍ତମାନେ ମୁହଁରେ ମାସ୍କ ଲଗାଇଥିବାର ଦେଖିବାକୁ ମିଳିଛି l
ସମ୍ପୂର୍ଣ ଘଟଣା ଘର ସାମ୍ନା ସିସି କ୍ୟାମେରାରେ ରେକର୍ଡ ହୋଇଥିବାର ଜଣାପଡିଛି l ଖବର ପାଇ ଟାଉନ ଥାନା ପୁଲିସ ଘଟଣାସ୍ଥଳକୁ ପହଞ୍ଚି ତଦନ୍ତ କରୁଛି ।