સાબરકાંઠા જિલ્લા કૉંગ્રેસ દ્વારા મુખ્ય ચૂંટણી અધિકારીના રાજીનામાની માંગ સાથે પુતળા દહન

હિંમતનગર: સાબરકાંઠા જિલ્લા કૉંગ્રેસ સમિતિ દ્વારા ભારતના મુખ્ય ચૂંટણી કમિશનર જ્ઞાનેશ કુમારના રાજીનામાની માગ સાથે ૧૨ ઓક્ટોબર ૨૦૨૬, સોમવારના રોજ બપોરે ૧૨:૩૦ કલાકે મોતીપુરા કોંગ્રેસ કાર્યાલયથી વિશાળ પદયાત્રાનું સફળ આયોજન કરવામાં આવ્યું હતું.

આ પદયાત્રા મોતીપુરા કોંગ્રેસ કચેરીથી શરૂ થઈ સર્કલ બસ સ્ટેન્ડ થઈ સિવિલ સર્કલ ખાતે આવેલી ડૉ. બાબાસાહેબ આંબેડકરની પ્રતિમા સુધી પહોંચી હતી. કાર્યક્રમના અંતે કૉંગ્રેસના આગેવાનો અને કાર્યકરો દ્વારા દેશના મુખ્ય ચૂંટણી અધિકારીનું પુતળા દહન કરી ઉગ્ર વિરોધ પ્રદર્શન કરવામાં આવ્યું હતું.

આ વિરોધ પ્રદર્શન અને પદયાત્રામાં જિલ્લા કૉંગ્રેસ પ્રમુખ રામજીભાઈ સોલંકી, પૂર્વ પ્રમુખ અશોકભાઈ પટેલ, જિલ્લા મહામંત્રી પ્રિયવદન સહિત અનેક આગેવાનો અને કાર્યકરો જોડાયા હતા.