પોલીસે ૧૧ કિલોથી વધુ ગાંજા સાથે ત્રણ આરોપીઓને ઝડપી પાડ્યા, ઉત્કૃષ્ટ કામગીરી બદલ સન્માન..

અરવલ્લીમાં-:
પોલીસે બાતમીના આધારે કાર્યવાહી કરતા વનસ્પતિજન્ય ગાંજાના લીલા કુલ છોડ નંગ-૬ તથા સુકો ગાંજો મળી કુલ ૧૧.૩૯૭ કિલોગ્રામ ગાંજો ઝડપી પાડ્યો છે.આ ગાંજાની અંદાજિત બજાર કિંમત રૂ. ૫,૬૯,૮૫૦/- આંકવામાં આવી છે.પોલીસે ઘટનાસ્થળેથી ત્રણ આરોપીઓને પણ ઝડપી પાડ્યા હતા..

પોલીસની આ કાર્યવાહી દરમિયાન ઝડપાયેલા ગાંજાના જથ્થા અને આરોપીઓ પાસેથી અન્ય કોઈ ગુનાહિત પ્રવૃત્તિ સંબંધિત પુરાવા મળે છે કે કેમ તે દિશામાં પણ તપાસ હાથ ધરવામાં આવી છે.આરોપીઓની પૂછપરછ બાદ વધુ વિગતો બહાર આવવાની શક્યતા છે.આ સમગ્ર કાર્યવાહી દરમિયાન પોલીસ ટીમે દર્શાવેલી ઉત્કૃષ્ટ કામગીરી અને સતર્કતા બદલ તેમને પ્રશંસાપત્ર આપી સન્માનિત કરવામાં આવ્યા હતા.આ પ્રકારની કાર્યવાહીથી સ્થાનિક વિસ્તારમાં ગુનાખોરી ડામવામાં પોલીસની પ્રતિબદ્ધતા સ્પષ્ટ થાય છે.