ଗଞ୍ଜେଇ ମାଫିଆଙ୍କ ଦାଦାଗିରି; ଅବକାରୀ ବିଭାଗ ଅଧିକାରୀଙ୍କୁ ମାରଣା ଅସ୍ତ୍ରରେ ଆକ୍ରମଣ

ଚଢ଼ାଉ ବେଳେ ଗଞ୍ଜେଇ ମାଫିଆଙ୍କ ଦାଦାଗିରି । ଆଠଗଡ଼ ଅବକାରୀ ବିଭାଗର ଦେଶୀ ମଦ ଓ ଗଞ୍ଜେଇ କାରବାର ଉପରେ ଚଢ଼ାଉ ବେଳେ ଅବକାରୀ ବିଭାଗ ଅଧିକାରୀ ଏବଂ କର୍ମଚାରୀ ମାନଙ୍କ ଉପରେ ମାଫିଆଙ୍କ ଆକ୍ରମଣ। ଘଟଣା ଘଟିଛି କଟକ ଜିଲ୍ଲା ବଡ଼ମ୍ବା ଥାନା ଅନ୍ତର୍ଗତ ରତାପାଟ ଗ୍ରାମରେ ।
ଖବର ପାଇ ଗ୍ରାମରେ ଜଣେ ଗଞ୍ଜେଇ ବ୍ୟବସାୟ କରୁଥିବା ସନ୍ଦେହରେ ଜଣେ ବ୍ୟକ୍ତିଙ୍କ ଘରେ ଆଠଗଡ଼ ଅବକାରୀ ବିଭାଗ ପକ୍ଷରୁ ସେଠାରେ ଚଢ଼ାଉ କରାଯାଇଥିଲା । ଅଚାନକ ସେଠାରେ ଚଢ଼ାଉ ହେବା ଫଳରେ ଘଟଣାସ୍ଥଳରେ ପ୍ରବଳ ଉତ୍ତେଜନା ସୃଷ୍ଟି ହୋଇଥିଲା । ପରେ ଅବକାରୀ ବିଭାଗର କର୍ମଚାରୀ ଓ ସମ୍ପୃକ୍ତ ବ୍ୟକ୍ତିଙ୍କ ମଧ୍ୟରେ ଠେଲାପେଲା ହୋଇଥିଲା । ଆଉ ମାଫିଆ ଜଣକ ବିଭିନ୍ନ ମାରଣା ଅସ୍ତ୍ରରେ କର୍ମଚାରୀଙ୍କୁ ଆକ୍ରମଣ କରିଥିଲେ। ଫଳରେ ଅବକାରୀ ବିଭାଗର କର୍ମଚାରୀ ଆହତ ହୋଇଛନ୍ତି । ଘଟଣାକୁ ନେଇ ବଡ଼ମ୍ବା ଥାନାରେ ଏତଲା ଦିଆଯାଇଛି ।
ମାଫିଆଙ୍କ ଘରୁ ତିନି କେକି ଗଞ୍ଜେଇ ସହିତ ୨୨୪୦ ଦେଶୀ ମଦ ଜବତ କରି ଅଧିକ ତଦନ୍ତ ଜାରି ରଖିଛନ୍ତି ଆଠଗଡ଼ ଅବକାରୀ ବିଭାଗ ।