અમદાવાદ: ખુલ્લી ડ્રેનેજ લાઈનમાં પડી ગયેલા ૧૦ વર્ષના બાળકને ૨૪ કલાક બાદ પણ બચાવ થયો નથી

અમદાવાદ શહેરમાં ડ્રેનેજ વ્યવસ્થાની ગંભીર બેદરકારી સામે આવી છે. નારોલથી વિશાલ જતા હાઈવે પર સુરેશ ફાર્મ પાસે એક મોટી ડ્રેનેજ લાઈન ખુલ્લી હાલતમાં હતી. આ ખુલ્લી લાઈનમાં એક ૧૦ વર્ષનું માસૂમ બાળક પડી ગયું.

આ ઘટનાને ૨૪ કલાકથી વધુ સમય વીતી ગયો છે, પરંતુ બાળકને હજુ સુધી બહાર કાઢી શકાયું નથી. આટલા લાંબા સમય બાદ પણ કોઈ જવાબદારી લેવા તૈયાર નથી, જેના કારણે અમદાવાદ મ્યુનિસિપલ કોર્પોરેશન (AMC) ની કામગીરી પર ગંભીર પ્રશ્નો ઊભા થયા છે.

આ બનાવ સ્થળ પર લોકોમાં ભારે રોષ જોવા મળી રહ્યો છે. ખુલ્લી ડ્રેનેજ લાઈનો શહેરીજનોની સુરક્ષા માટે કેટલા જોખમી બની શકે છે તેનું આ ઉદાહરણ છે. સ્થાનિક તંત્ર દ્વારા તાત્કાલિક ધોરણે બચાવ કાર્ય હાથ ધરવામાં આવે તેવી માંગ ઉઠી રહી છે.