શારદીય નવરાત્રીનો પ્રારંભ: પ્રથમ નોરતે માતા શૈલપૂત્રીની ભક્તિભાવપૂર્વક પૂજા..

શારદીય નવરાત્રીનો આજે શુભ પ્રારંભ થયો છે, જે દરમિયાન પ્રથમ નોરતે માતા શૈલપૂત્રીની ઉપાસના કરવામાં આવી.આ પવિત્ર દિવસથી દેવી દુર્ગાના નવ સ્વરૂપોની આરાધનાનો પ્રારંભ થાય છે.પ્રથમ નોરતે માતા શૈલપૂત્રીની પૂજાનું વિશેષ મહત્વ છે,જે પર્વતોના રાજા હિમાલયની પુત્રી તરીકે ઓળખાય છે.આ અવસરે રાજ્યભરના મંદિરોમાં શ્રદ્ધાળુઓની ભારે ભીડ જોવા મળી. ભક્તોએ માતાજીના દર્શન કરી ધન્યતા અનુભવી અને પૂજા-અર્ચના કરી. અનેક સ્થળોએ વિશેષ પૂજા-અર્ચના, ભજન-કીર્તન અને આરતીનું આયોજન કરવામાં આવ્યું હતું,જેમાં મોટી સંખ્યામાં ભક્તો જોડાયા હતા..

નવરાત્રીના આ પવિત્ર દિવસો દરમિયાન લોકો ઉપવાસ રાખી માતાજીની કૃપા મેળવવા પ્રયાસ કરે છે.માતા શૈલપૂત્રીને શક્તિ,સ્થિરતા અને શાંતિનું પ્રતિક માનવામાં આવે છે.આ દિવસથી શરૂ થતા નવ દિવસીય ઉત્સવમાં લોકો વિવિધ ધાર્મિક કાર્યો અને સાંસ્કૃતિક કાર્યક્રમોનું આયોજન કરે છે.