નવરાત્રી દરમિયાન મહેસાણામાં પોલીસ રહેશે સાદા વેશમાં, સુરક્ષા માટે ખાસ વ્યવસ્થાઓ ગોઠવાઈ..

મહેસાણામાં-:
આજથી શરૂ થઈ રહેલા નવરાત્રીના પવિત્ર પર્વ નિમિત્તે મહેસાણા જિલ્લામાં પોલીસ દ્વારા સુરક્ષા વ્યવસ્થાને લઈને ખાસ તૈયારીઓ કરવામાં આવી છે. જિલ્લા પોલીસ વડાની સૂચના અનુસાર, નવરાત્રી દરમિયાન યોજાનારા ગરબા કાર્યક્રમોમાં કોઈ અનિચ્છનીય ઘટના ન બને તે માટે પોલીસ વિભાગ દ્વારા કડક બંદોબસ્ત ગોઠવવામાં આવ્યો છે.ગરબા સ્થળો પર પોલીસ કર્મચારીઓ સાદા વેશમાં હાજર રહી પરિસ્થિતિ પર નજર રાખશે. આ ઉપરાંત, કોઈ પણ પ્રકારની કટોકટીની પરિસ્થિતિને પહોંચી વળવા માટે 'સી' ટીમ (ક્રાઇમ બ્રાન્ચ) પણ ખાસ સજ્જ રહેશે.આ ટીમો દ્વારા જાહેર જનતાની સુરક્ષા સુનિશ્ચિત કરવામાં આવશે..

પોલીસ દ્વારા જાહેર જનતાને શાંતિપૂર્ણ રીતે તહેવારની ઉજવણી કરવા અપીલ કરવામાં આવી છે.કોઈપણ શંકાસ્પદ પ્રવૃત્તિ જણાય તો તાત્કાલિક પોલીસનો સંપર્ક કરવા જણાવાયું છે. આ વ્યવસ્થાઓ દ્વારા મહેસાણામાં નવરાત્રીનો તહેવાર સુરક્ષિત રીતે સંપન્ન થાય તે સુનિશ્ચિત કરવાનો પ્રયાસ કરવામાં આવ્યો છે.