આણંદમાં પત્રકાર ઈમરાન વહોરા પર ઓફિસમાં ઘૂસી જીવલેણ હુમલો, પોલીસ બંદોબસ્ત ગોઠવાયો

આણંદ શહેરના ઈસ્માઈલનગર વિસ્તારમાં પત્રકાર ઈમરાન વહોરા પર ૧૫ થી ૨૦ જેટલા અસામાજિક તત્વો દ્વારા તેમની ઓફિસમાં ઘૂસીને જીવલેણ હુમલો કરવામાં આવ્યો હોવાની ઘટના બની છે. આ હુમલામાં પત્રકાર ઈમરાન વહોરાને ગંભીર ઈજાઓ પહોંચી હોવાનું જાણવા મળ્યું છે.

ઘટનાની જાણ થતાં જ પોલીસ વિભાગ દ્વારા તાત્કાલિક DySP, LCB અને ટાઉન પોલીસ સહિતનો મોટો પોલીસ કાફલો ઘટના સ્થળે પહોંચી ગયો હતો. પોલીસે પરિસ્થિતિનો તાગ મેળવી કાયદેસરની કાર્યવાહી હાથ ધરી છે.

આ બનાવને પગલે સમગ્ર વિસ્તારમાં ચકચાર મચી જવા પામી છે. પોલીસે હોસ્પિટલ ખાતે અને ઘટના સ્થળની આસપાસ ચુસ્ત પોલીસ બંદોબસ્ત ગોઠવી દીધો છે જેથી કોઈ અનિચ્છનીય ઘટના ન બને અને આરોપીઓને ઝડપી પાડવા માટે પણ તપાસ શરૂ કરવામાં આવી છે.