શહેરકોટડા પોલીસે રાજસ્થાનના ઉદયપુરથી ગુમ થયેલા કિશોરને ગણતરીના કલાકોમાં શોધી પરિવારને સોંપ્યો

શહેરકોટડા પોલીસ સ્ટેશન વિસ્તારમાં આવેલા પ્રેમનગર ખાતે રહેતા એક કિશોર ગુમ થયાની ફરિયાદ તેના પરિવાર દ્વારા નોંધાવવામાં આવી હતી. આ ફરિયાદના પગલે શહેરકોટડા પોલીસ સ્ટેશનના ઇન્સ્પેક્ટરશ્રીના માર્ગદર્શન હેઠળ સર્વેલન્સ સ્કોર્ડ દ્વારા તાત્કાલિક તપાસ શરૂ કરવામાં આવી હતી.

પોલીસની સતર્કતા અને ઝડપી કાર્યવાહીના કારણે, ગુમ થયેલા કિશોરને રાજસ્થાન રાજ્યના ઉદયપુર ખાતેથી શોધી કાઢવામાં સફળતા મળી હતી. આ સમગ્ર ઘટનામાં પોલીસ દ્વારા માત્ર ગણતરીના કલાકોમાં જ કિશોરને સુરક્ષિત રીતે શોધી કાઢવામાં આવ્યો હતો.

શોધી કઢાયેલા કિશોરને ત્યારબાદ તેના પરિવારજનોને સુરક્ષિત રીતે સોંપવામાં આવ્યો હતો. પોલીસે કરેલી આ કામગીરીથી પરિવારજનોએ રાહતનો શ્વાસ લીધો હતો અને પોલીસની કાર્યક્ષમતાની પ્રશંસા કરી હતી.